महानगरलाई टेरेन क्रसरले

आदर्श समाज सम्वाददाता
चैत्र २१, २०७४

पोखरा, २० चैत । अबैध रुपमा क्रसर चलाएपछि गत बिहीबार पोखरा लेखनाथ महानगरपालिकाले २ वटा क्रसर उद्योगको चावि नियन्त्रणमा लियो। पोखरा १ जौवारी र २१ को दोविल्लामा रहेको क्रसर उद्योग तत्काल नचलाउन निर्देशन दिएर चावी खोसिएको थियो। तर दोविल्लाको क्रसर उद्योगले पुनः महानगरको निर्देशन अटेर गरी क्रसर चलाएको छ।

मंगलबार बिहान मास्टर चावी प्रयोग गरेर क्रसर चलाइएको महानगरले जनाएको छ। ‘हामीले एउटा चावि नियन्त्रणमा लियौं। अर्को चाविले खोलेर फेरी क्रसर चलाएको सूचना आयो,’ महानगरका प्रमुख प्रशासकीय अधिकृत दीर्घनारायण पौडेलले भने, ‘महानगरलाई पनि छलेर काम भयो। त्यसपछि अर्को चावी पनि नगर प्रहरीले नियन्त्रणमा लिएका छन्।’

कानूनी प्रक्रिया नपुगेका कुनै पनि क्रसर चलाउन नदिने उनको अडान छ। ‘व्यवसायीलाई महानगरले बोलाएको छ। एकपटक आउनुभएको थियो,’ उनले भने, ‘फेरि के सोचेर खोल्नुभयो थाहा भएन। प्रक्रिया नपुगेका क्रसर कुनै पनि हालतमा चल्न दिदैनौं, महानगर यसमा स्पष्ट छ।’

आयोजनाको नाममा अध्ययनबिना वडा कार्यालयको सामान्य स्वीकृति भरमा मात्रै क्रसर चलेको हो। निर्मलपोखरी-कृष्ती-भरतपोखरी सडक स्तरोन्नतिका लागि क्रसर चलाइएको भनिए पनि तयार भएका सामग्री अन्यत्र पनि बिक्री गरेको भेटिएको छ। क्रसर सञ्चालक चिरञ्जीवी पोख्रेलले डकुमेण्ट पूरा गरिसकेको प्रतिक्रिया दिए।

‘डकुमेण्ट पूरा भएको भनेर कर्मचारीले चलाएछन्। स्वीकृति पत्र नपुगेको भनेर नगरपालिकाले फेरि चावी खोस्यो,’ उनले भने, ‘त्यो पनि बुझाइसकेका छौं। भोलि (बुधबार) बाट लगातार उद्योग चल्छ।’

महानगरले चाहीँ अहिलेकै अवस्थामा क्रसर चल्न सक्ने अवस्थामा नरहेको जनाएको छ। जौवारीको क्रसर बिहीबारदेखि नै बन्द छ। सिँचाइको सिफारिसमा सेतीको ड्याम बनाउन क्रसर राखिए पनि उद्योग चलाउने स्वीकृति छैन। तोकिएको भन्दा बढी सामग्री झिकिएको महानगरले जनाएको छ।

यस्तै पोखरा १४ बाच्छीबुडुवाको क्रसर पनि बनिरहेको छ। तर प्रयोगमा ल्याउन महानगरका प्रशासकीय अधिकृत पौडेलले बताए। अबैध रुपमा क्रसर चलेको समाचार प्रकाशन भएपछि महानगरका प्राविधिकले अनुगमन गरेर चावि नियन्त्रणमा लिएको हो।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width