कस्केली अधिकृत समाजद्वारा सम्मान

आदर्श समाज सम्वाददाता
चैत्र १८, २०७४

पोखरा, १७ चैत। कस्केली अधिकृत समाज, कास्कीले विभिन्न क्षेत्रमा योगदान पुर्याएका सामाजिक व्यक्तित्वलाई सम्मान गरेको छ।

समाजको नवौं साधारण सभा तथा अधिवेशनको उद्घाटन समारोहबीच शिक्षाविद् जोर्जजोन, समाजका संस्थापक शिवप्रसाद पराजुली, समाजसेवी कृष्णप्रसाद बराल, इन्जिनियर कृष्णकान्त सिग्देल, साहित्यकार प्रकाश सायमीलाई सम्मान गरिएको हो।

समारोहका प्रमुख अतिथि प्रेदश ४ का प्रमुख बाबुराम कुँवर, समाजका अध्यक्ष दुर्गाबहादुर शाह बाबाले सम्मानपत्र र दोसल्ला प्रदान गरी संयुक्त रुपमा सम्मान गरेका थिए।

सोही समारोहबीच प्रमुख अतिथि कुँवरले समाजको मुखपत्र अधिकृत आवाजको लोकार्पण गरे।

त्यस अवसरमा प्रदेश प्रमुख बाबुराम कुँवरले विधिको शासनबाट नै देशको विकास र संवृद्धि हुने बताए।

समालोचक डा. राजेन्द्र चापागाइँ आहातले अधिकृत आवाजमा महत्वपूर्ण विषयवस्तु समेटिएको बताए।

समाजका संस्थापक शिवप्रसाद पराजुलीले सहज रुपमा जनतामा सेवा पुर्याउने उद्देश्यले अधिकृत समाज गठन भएको र जग्गा उपलब्ध भए भवन निर्माण गर्न समाज तयार भएको बताए।

स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले अधिकृतको दक्षता, क्षमता र अनुभवलाई देशको समृद्धिमा लगाउनुपर्नेमा जोड दिए।

समाजका अध्यक्ष दुर्गाबहादुर शाह बाबाको अध्यक्षतामा भएको उक्त कार्यक्रममा उपाध्यक्ष विष्णुहरि पराजुलीले स्वागत मन्तव्य राखेका थिए। कार्यक्रमको सञ्चालन सचिव चन्द्रबहादुर सुवेदीले गरेका थिए।

सम्बन्धित समाचार

साढे २३ करोडमा सभागृह निर्माण

रासस असाेज ८, २०८०

दमौली । राष्ट्रपति रामचन्द्र पौडेलले तनहुँको व्यास नगरपालिका–३ मा निर्माण गरिएको दमौली सभागृहको उद्घाटन गरेका छन् । सहरी विकास मन्त्रालयको…
वात्स्यायनलाई पद्मश्री साधना सम्मान, मनुलाई पद्मश्री साहित्य पुरस्कार र सुरेशराज शर्मालाई पद्मश्री गौरव पुरस्कार

आदर्श समाज सम्वाददाता असाेज ८, २०८०

पोखरा । पद्मश्री साहित्य पुरस्कार समालोचक तथा आख्यानकार डा. देवीप्रसाद सुवेदीको उपन्यास मनुले प्राप्त गरेको छ । खेमलाल हरिकला लामिछाने…
स्थानीयका कर्मचारी पनि आन्दोलित

आदर्श समाज सम्वाददाता असाेज ४, २०८०

पोखरा । आफूहरूको माग सम्बोधन हुने गरी संघीय निजामती विधेयक ल्याउन दबाब दिँदै स्थानीय तहका कर्मचारीले पनि आन्दोलनको तयारी थालेका…
संविधानका ८ वर्ष : गण्डकीमा ६० ऐन पारित, ४२ क्षेत्रगत कानुन बनाउन बाँकी

आदर्श समाज सम्वाददाता असाेज ३, २०८०

पोखरा । संविधानको मर्म र भावनाअनुरुप जनताको विकास र समृद्धिको आकांक्षालाई पूरा गर्न संघीयताको व्यावहारिक कार्यान्वयन हुनुपर्नेमा जोड दिइएको छ…
कानुन कार्यान्वयनका लागि हो

आदर्श समाज सम्वाददाता असाेज ३, २०८०

विश्वले राम्रो भनेको संविधान हामीले नराम्रो कसरी भन्ने ? त्यति ठुलो युद्ध र आन्दोलनबाट निर्माण भएको संविधान जति खारिनुपर्ने हो,…