मिस नेवाः मा २० युवतीबीच प्रतिष्पर्धा

आदर्श समाज सम्वाददाता
चैत्र १६, २०७४
miss newa

पोखरा, १५ चैत । नेवाः खल कास्कीले आयोजना गरेको सिजी मिस नेवा ११३८ को तयारी पूरा भएको छ। पोखरा सभागृहमा चैत १६ मा हुने सो प्रतियोगितामा २० युवतीको सहभागिता रहनेछ ।

पोखरामा बुधबार सम्मेलन सम्मेलनमा नेवाः खल कास्की अध्यक्ष अशोक पालिखेले नेपाल सम्वत् ११३१ देखि शुरु मिस नेवाले संस्कृति संरक्षणमा योगदान गरेको बताए।

उनले मिस नेवा अचेल बजारमा भइरहने जस्तो सुन्दरी प्रतियोगिता नभएको उल्लेख गरे। उनले भने, ‘यो सांस्कृतिक प्रतियोगिता हो। नेवारी कला, संस्कार, भाषा, संस्कृति नयाँ पुस्तामा हस्तान्तरण गर्न र नेवारी युवतीलाई विभिन्न सीप सिकाएर सक्षम बनाउनु यसका उद्देश्य हुन्।’

प्रतियोगितालाई व्यक्तित्व, नेतृत्व विकासका तालिम, भ्रमण, नेवारी भाषा, समसामयिक विषयवस्तु लगायतबारे प्रशिक्षण दिइएको प्रतियोगिताका मूल संयोजक गजेन्द्रमान श्रेष्ठले बताए।

विजेतालाई ताजसहित, नगद ४० हजार, प्रमाणपत्र र विभिन्न उपहार प्रदान गरिनेछ। फस्ट रनरअपले नगद २५ हजारका साथमा प्रमाणपत्र र उपहार पाउने छन्।सेकेन्ड रनरअपले नगद १५ हजारका साथमा प्रमाणपत्र र उपहारहरु पाउने छन्।

प्रतियोगीमध्ये उत्कृष्ट नेवारी भाषा प्रस्तुत गर्ने १ जनालाई विशेष उपाधिका साथमा नगद ७ हजार, प्रमाणपत्र र उपहार प्रदान गरिनेछ।

यसैगरी, वेस्ट ट्यालेन्ट, वेस्ट स्माइल, वेस्ट पर्सनालिटी, वेस्ट फोटोजेनिक, भ्यूअर्स च्वाइस र मिस प|mेन्डलीले जनही ५ हजारसहित प्रमाणपत्र र उपहार पाउने छन्।

संस्थाका अध्यक्ष अशोक पालिखेको अध्यक्षतामा भएको कार्यक्रममा स्वागत महासचिव आनन्द श्रेष्ठ र सञ्चालन प्रचारप्रसार संयोजक अनिशा श्रेष्ठले गरेकी थिइन्।

Related News

सम्बन्धित समाचार

  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • चिल्ड्रेन पार्कमा कांग्रेसको वृक्षरोपण

    आदर्श समाज सम्वाददाता श्रावण ७, २०८१
    पोखरा । पोखरा महानगरपालिका वडा नं. ५ प्रस्याङस्थित चिल्ड्रेन पार्क (शिवालय पार्क) मा वृक्षरोपण गरिएको छ । नेपाली कांग्रेस वडा…

hero news full width