पोखरा, १४ चैत । लाखौं रकम ठगी आरोपमा एक महिला समातिएपछि प्रहरी हवल्दार समेत यस प्रकरणमा मुछिएका छन् ।
कास्की दाङसिङ घर भई पोखरा २ बस्ने निशु परियार(थापा भनेर चिनाउने) सँग मिलेर ब्याजमा पैसा लिएको र फिर्ता नदिएको आरोप प्रहरी हवल्दार सुमन अधिकारीलाई लागेको हो ।
हवल्दार अधिकारी पोखरा लेखनाथ महानगरपालिका १८ सराङकोटस्थित बाल सुधार गृहमा कार्यरत छन् । एक हप्ता अघिसम्म उनी जिल्ला प्रहरी कार्यालयमै रहेको बुझिएको छ । जबर्जस्ती करणी मुद्दामा गृहमा रहेका १४ वर्षीय बालक भागेपछि प्रहरी टोली परिवर्तन गर्दा अधिकारी त्यहाँ पुगेका थिए । ३५ वर्षीय प्रहरी हवल्दार अधिकारीको घर गोर्खा आरुपोखरी रहेको बुझिन आएको छ ।
सापट माग्ने, ब्याज दिन्छु भन्दै धेरैजनासँग रकम लिएको मौखिक उजुरी परेेको र घटनामा प्रहरी हवल्दारको संलग्नता रहेको आरोप आएपछि सोधपुछ गरिएको कास्की प्रहरी प्रवक्ता डिएसपी खड्कबहादुर खत्रीले पुष्टि गरे ।
‘मौखिक उजुरी परेपछि सोधपुछका लागि महिलालाई नियन्त्रणमा लियौं । यसमा मुछिएपछि हवल्दारलाई पनि सोधपुछ गरेका हौं । लाखौं, करोडौं प्रहरीले ठग्यो भन्ने समाचार गलत हो । अनुसन्धान भइरहेको छ’ डिएसपी खत्रीले बताए । उनले प्रहरी हवल्दारलाई हिरासतमा राखेको कुरा पनि नकारे । उनले कति जनाको कति रकम खाएको भन्ने अझै नखुलेको बताए ।
प्रहरीका अनुसार रकम लिएर फिर्ता नदिएको भन्दै स्थानीय सुकमाया गुरुङ पनि जिल्ला प्रहरी कार्यालय कास्की पुगेकी थिइन् । उनले १५ लाख रुपैयाँ ठगी गरेको बताएकी छन् । यद्यपि, ठगिएकाले किटानी जाहेरी नदिएकाले कसको कति रकम ठगी भयो भन्नेबारे खुलेको छैन । मौखिक शर्तका आधारमा पैसा दिएको तर प्रमाण नभएको उनीहरु बताउँछन् ।
शुरुमा निशुले चिनजान गर्ने र सम्बन्ध बाक्लो बनाउँदै गएपछि ब्याजमा पैसा माग्ने गरेको पीडित बताउँछन् । पैसा दिन आनाकानी गरे हवल्दार अधिकारी गएर फिर्ता नदिए मै दिन्छु भन्दै पैसा दिन बाध्य पार्ने गरेको ठगिएकाको भनाइ छ । कागज गरेरमात्र दिन्छु भन्दा हवल्दार अधिकारीले पैसा कागजले दिने हो र ? हामीले दिन्छौं भनेर दबाब दिने गरेको उनीहरुले बताएका छन् । धेरै समयसम्म पैसा नदिएपछि ठगिएको महसुस गरी उजुरी गरेको पीडित भनिनेहरुको भनाइ छ ।
Related News
सम्बन्धित समाचार
दुर्गा मन्दिरमा अक्षरयात्रा
आलु महोत्सव लक्षित सरसफाइ
सामुदायिक शैक्षिक संस्था समुदायको पहिचान
पाइपलाइनमा हुने क्षतिको मूल्यांकन गर्न समिति
लापरवाहीले बढ्यो सडक दुर्घटना
hero news full width
मुख्य समाचार
गोविन्दराज जोशी र विकास कोइरालाको कारवाही फुकुवा
उपनिर्वाचनका लागि सोमबार उम्मेदवारी दर्ता
चैत्र १९, २०७९दलितले भान्सा छोएपछि खाना फालियो, आरोपित २ पक्राउ, वडाध्यक्षसहित २ जना फरार
चैत्र १९, २०७९स्वर्णिमको बहिर्गमनले कांग्रेसमा निम्तिने क्षयीकरण
चैत्र १८, २०७९सरकार फेरिएको फेरियै, द्वन्द्वपीडितको घाउ उस्तै ?
चैत्र १८, २०७९पोखरा सम्पन्न एसिया ट्राइयाथलन कप बब र मार्गरेटालाई
चैत्र १८, २०७९