पोखरा, १४ चैत । सच्चाइको सत्संग कास्की पोखरा वडा १९, लामाचौरको सम्पूर्ण सत्संग परिवारले सराङ्कोटको ग्यारजाति-१८ मा रहेको बालसुधार गृहलाई सहयोग गरेको छ।

संस्थाले बालगृहमा रहेका ५६ जना बालकलाई ट्रयाकसुट वितरण गर्नुका साथै उनीहरुलाई खाना समेत बनाएर खुवाएको थियो।

कार्यक्रमा बोल्दै सच्चाईको सत्संग लामाचौरका प्रमुख सञ्जय पाख्रिनले अन्य समयमा पनि बालगृहलाई आवश्यक सहयोग गर्ने प्रतिबद्धता जनाए ।

सच्चाइको सत्संग लामाचौरकी अध्यक्ष ज्ञानु पाख्रिनले अबका दिनमा पनि आफूहरुले यस्ता सहयोगहरुलाई निरन्तरता दिने बताइन् ।

सो क्रममा बालगृहका इञ्चार्ज रमाले  सच्चाइको सत्संगको कार्यको प्रसंसा गर्दै अन्य दिनमा पनि सहयोगको अपेक्षा गरिन् ।

कार्यक्रममा बालगृहका बालक  तथा अन्य गरी १ सय १५ जनाको सहभागिता रहेको सच्चाइको सत्संग लामाचौर सचिव सृजना कार्कीले जनाइन् ।