पोखरा, १४ चैत । प्रेस क्लब नेपालले पोखरामा मंगलबार साक्षात्कार कार्यक्रम गरी संघीय लोकतान्त्रिक गणतन्त्र नेपालको प्रदेश ४ को नामाकरण के हुनसक्छ भन्नेबारे सार्वजनिक बहस चलाएको छ ।
बहसमा सहभागी हुँदै तमुवान संयुक्त संघर्ष समितिका संयोजक हुमबहादुर तमु, नागरिक समाजका प्राडा दिलबहादुर क्षत्री, नागरिक समाज संयोजक रामबहादुर पौडेल, नेपाल मगर संघका केन्द्रीय उपाध्यक्ष मन्धरी थापामगर, नेपाल आदिवासी जनजाति महासंघ कास्कीका अध्यक्ष धर्मबहादुर तमु, भूमिहीनका भीमबहादुर कुँवर लगायतले विचार व्यक्त गरे ।
बहसमा तमुवान संयुक्त संघर्ष समितिका संयोजक हुमबहादुर तमुले संघीयताको मुल मर्म अनुसार सात प्रदेश होइन १० प्लस १ प्रदेश आवाश्यक रहेको बताए । उनले राज्य पुनसंरचनाको आधार पहिचान र सामार्थ्यको आधारमा प्रदेश ४ लाई तमुवान प्रदेश घोषणा गर्दै राज्य पुनंसरचना तथा राज्य पुनसंरचना समिति र उच्चस्तरीय आयोग सुझाव प्रतिवेदन अनुसार पहिचानयुक्त प्रदेशहरु नामाकरण गर्नुपर्ने बताए । अहिलेकै प्रदेश ४ लाई तमुवान-मगरात नाम उचित हुने उनको तर्क थियो ।
प्राडा दिलबहादुर क्षत्रीले पाँच विकास क्षेत्रलाई नै प्रदेश बनाउदा राम्रो हुने भन्दै अहिलेको प्रदेश ४ लाई गण्डकी नामाकरण गर्नुपर्ने बताए । जातीय नामले विदेशीले नेपाल प्रवेश गराएको साम्प्रदायिकताले प्रश्रय पाउने भन्दै उनले इयु र क्रिश्चियानिटीलाई विरोध गरे ।
नागरिक समाजका संयोजक रामबहादुर पौडेलले प्राकृतिक प्रदेशको नाम प्राकृतिक नामाकरण हुनुपर्ने भन्दै गण्डक नाम प्रस्तुत गरे । उनले अन्य नामले साम्प्रदायिकता निम्तन सक्ने बताए । होइन भने नामाकरणका लागि जनमत संग्रह गर्नुपर्ने उनको तर्क छ ।
मगर संघको केन्द्रीय उपाध्यक्ष मन्धरी थापामगरले पहिचानलाई सम्बोधन गर्दै यस प्रदेशलाई तमुवान(मगरात नामाकरण गर्नुपर्ने बताए ।
नेपाल आदिवासी जनजाति महासंघ कास्कीका अध्यक्ष धर्मबहादुर तमुले नेपाली सभ्यताहरुको सम्बोधन गर्न प्रदेश ४ लाई तमुवान(मगरात नामाकरण गर्नुपर्ने बताए ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१