हेमजा, १२ चैत ।पोखरा-२५, हेमजा, कालिकाचोकमा हालै स्थापितशशख भएको कालिका परिवर्तनशील समूहलाई शुभकामना दिइएको छ। समाजमा भएका विकृति र विसंगतिलाई उन्मुलन गर्ने उद्देश्यले स्थापना गरिएको उक्त समूहलाई शुभकामना दिएको हो।

शनिवार भएको कार्यक्रममा बोल्दै सहारा क्लवका पुर्व अध्यक्ष बीरभद्र आचार्यले समूहलाई सफलताको शुभकामना दिर्दै संस्थाको विकास आर्थिक पारदर्शिता र पदाधिकारीको अनुशासनमा भरपर्ने बताए।

सो अवसरमा स्थानीय नेत्रपाणि भण्डारी, मणिरत्न अधिकारी, पूर्व जनप्रतिनिधि सा. मुक्तिराम भण्डारी, वडा सदस्य लक्ष्मी अधिकारी, कालिका टोलविकास संस्थाका अध्यक्ष दिपकबहादुर थापा, सहारा क्लवका सदस्य नवराज अधिकारी लगायतले शुभकामना दिदैं समूहले समाज परिवर्तनमा महत्वपूर्ण भूमिका निर्वाह गर्नुपर्नेमा जोड दिए।

समूहका अध्यक्ष सुमन थापा मगरले सरोकारवालाको राय सल्लाहअनुसार संस्थाले कार्य गर्ने प्रतिबद्घता व्यक्त गरे। समूहका कोषाध्यक्ष चन्द्रेश्वर अधिकारीले स्वागत गरेको उक्त कार्यक्रम समूहका सचिव विभिषण अधिकारीले सञ्चालन गरेका थिए। समूहका अध्यक्ष सुमन थापामगरको अध्यक्षतामा कार्यक्रम भएको थियो।