पोखरा, ७ चैत। पोखरा लेखनाथ महानगरपालिका वडा १३ स्थित सिग्देल परिवारमा शोक परेको छ।

पृथ्वीधर सिग्देल समाजकी सदस्य मनोहरा सिग्देलको ७४ वर्षका उमेरमा निधन भएको हो।

झण्डै १ वर्षदेखि क्यान्सरबाट प्रभावित उनको फिष्टेल अस्पतालमा उपचारक्रममा बुधबार निधन भएको हो। सिग्देलको पार्थीव शरीर बुधबार पोखरा रामघाटस्थित सेती नदीमा अन्त्येष्टि गरिएको छ। शवयात्रामा आफन्त, शुभेच्छुक र परिवारजन सहभागी थिए। उनका ३ छोरा सूर्यकान्त, केशव र सञ्जयकान्त तथा ४ छोरी रेखा, साधना, सम्झना र सरोजा छन्। छोरातर्फ ८ र छोरीतर्फ १० जना नाति/नातिना छन्।

स्व सिग्देलका छोरा सूर्यकान्त नेपाल सरकार प्रदेश ५ का सचिव हुन्। केशव सामाजिक क्षेत्रमा क्रियाशील छन् भने सञ्जय कास्की जिल्ला क्रिकेट संघका अध्यक्ष सहित पर्यटन व्यवसायी हुन्।