लमजुङ, ३० फागुन। वेशीशहर बजार क्षेत्रमा संकलित फोहरबाट प्रतिदिन ४ दशलमव ४३ किलोवाट विद्युत् उत्पादन गर्न सकिने एक अध्ययनले देखाएको छ। वैकल्पिक ऊर्जा प्रबद्धन केन्द्रले गरेको प्रारम्भिक सर्भेबाट त्यसको पुष्टि भएको हो।
केन्दका उपनिर्देशक डा नारायण अधिकारीका अनुसार वेशीशहर बजार क्षेत्रमा गरिएको प्रारम्भिक सर्भेका क्रममा दैनिक २ दशलमव ३ टन फोहर संकलन हुने र संकलित फोहरमध्ये १ दशलमव १५ टन फोहर बायोग्यास प्रविधिमा प्रयोग गर्न सकिने बताए। त्यसबाट ४ दशमलब ४३ किलोवाट विद्युत् निस्कने र उक्त विद्युत् ५० घरमा बिजुली बाल्न पुग्ने उल्लेख गरे।
केन्द्रले नगरपालिकाको फोहरलाई ऊर्जा परियोजनाअन्तर्गत वेशीशहरको फोहरको अवस्थाका बारेमा प्रारम्भिक अध्ययन गरेको हो। नगरपालिका र केन्द्रबीच गत असोज २४ गते सम्झौता भई सो काम थालिएको नगरपालिका प्रमुख गुमानसिंह अर्यालले जानकारी दिए। उनका अनुसार बजारवासीमा फोहर गर्न नडराउने तर फोहरदेखि भाग्ने प्रवृत्ति रहेकोले वायोग्यास प्लान्टबाट फोहरालाई मोहर बनाउन यो परियोजना अघि बढाइएको हो। बजारको फोहरबाट दैनिक ६४ दशमलव ४ घनमिटरको वायोग्यास उत्पादन गर्न सकिने औसत तुलना गर्दा त्यो ३ वटा एलपीजी ग्यासको सिलिण्डर बराबर हुने कार्यक्रममा सहजीकरण गर्दै आएको केन्द्रका ऊर्जा विज्ञ सुसिम अमात्यले दिए। उनले बायोग्यास र विद्युत्को अतिरिक्त दैनिक २ सय ३९ किलोग्राम कम्पोष्ट मल समेत वायोग्यास प्लान्टबाट निस्कने बताए।
यहाँ निर्माण हुने वायोग्यास प्लान्ट ६४ दशलमब ४ घनमिटरमध्ये प्रतिघनमिटर २२ हजार खर्च हुन्छ। यो रकम करिब डेढ करोड रुपैयाँ बराबर हो। तर यसमा जग्गा र अन्य आवश्यक प्रक्रियाको लागि थप रकम छुट्टै लाग्छ केन्द्रका उपनिर्देशक डा नारायण अधिकारीले भने। उनका अनुसार केन्द्रले विश्व बंैकको सहयोगमा ४० प्रतिशत अनुदान दिने व्यवस्था रहेको छ। नगरपालिकाले आवश्यक प्रक्रियासहित जग्गा उपलब्ध गराउनु पर्छ। समयमै काम शुरु गर्न सके अबको करिब १ वर्षमा सम्पन्न हुने अनुमान प्रारम्भिक प्रतिवेदनमा उल्लेख छ। उक्त योजनाको विस्तृत अध्ययन हुन भने बाँकी रहेको नगरपालिकाका प्रमुख प्रशासकीय अधिकृत भीमप्रसाद तिवारीले बताए।
Related News
सम्बन्धित समाचार
‘मौलिक’ संघीयतामा केन्द्रको तगारो
रेशम चौधरीसहित ५०१ लाई आम माफी
प्रजातन्त्रको सुदृढीकरणमा सबै लाग्नुपर्छ : सभापति देउवा
भ्रष्टाचारविरुद्ध जनयुद्धको जस्तै मानसिकतामा छु, हेर्नुहोला अझै ठूल्ठूला एक्सन हुन्छन् : प्रधानमन्त्री दाहाल
संघीयताबारे अहिले नै सफल असफल भनेर मूल्यांकन गर्ने बेला भएको छैन: प्रथम राष्ट्रपति डा यादव
hero news full width
मुख्य समाचार
गण्डकीको आगामी बजेट ३२ अर्ब मात्रै !
गण्डकीमा विपतका १० महिना : ११७ जनाको मृत्यु, १०९ घाइते
जेठ १४, २०८०प्राथमिकता एकातिर, चिर्कटोका भरमा योजना
जेठ १३, २०८०फल इन लभ नै किन ?
जेठ १३, २०८०नेपाली युवा उद्यमी मञ्च पोखरामा निरन केसी
जेठ १३, २०८०रोकिएला त फेवाको सिमसार क्षेत्र पुर्ने काम ?
जेठ १३, २०८०