अभियान पुरुष भलिबल प्रतियोगिता हुने

आदर्श समाज सम्वाददाता
फागुन २९, २०७४
VolleyBall News

पोखरा, २८ फागुन। अभियान युवा क्लबको आयोजनामा पोखरामा चैत १ देखि ३ गतेसम्म दोस्रो अभियान पुरुष भलिबल प्रतियोगिता हुने भएको छ। सोमबार आयोजित पत्रकार सम्मेलनमा प्रतियोगिता तयारी पूरा भएको संयोजक जयप्रकाश थापा ‘पप्पुले बताए।

मालेपाटन खेल मैदानमा हुने क्लबस्तरीय भलिबल प्रतियोगितामा कास्की लगायत स्याङ्जा, तनहुँ पर्वत र म्याग्दीका गरी १४ टिमको सहभागिता रहने उनले बताए ।

विजेताले ५० हजार, उपविजेताले ३० हजार नगदसहित ट्रफी, मेडल र प्रमाणपत्र पाउनेछन्। अनुशासित टिमलाई प्रशंसापत्रको सम्मानसहित वेष्ट प्लेयर, वेष्ट स्पाइकर, वेष्ट ब्लकर, वेष्ट सेटर, वेष्ट डिफेन्स र वेष्ट सर्भरलाई ट्रफी तथा प्रमाणपत्र प्रदान गरिने छ । गत वर्ष म्याग्दीको पुनहिल क्लब विजेता बनेको थियो।

वेष्ट अफ फाइभ एवम् नकआउट आधारमा खेलाइने प्रतियोगितामा क्लब, विद्यालय र जिल्लास्तरीय टिमले खेल्न पाउने प्रावधान छ। राष्ट्रिय विभागीय टिम तथा राष्ट्रिय र क्षेत्रीय खेलाडीले प्रतियोगितामा कुनै पनि टिमबाट खेल्न नपाउने पश्चिमाञ्चल भलिबल संघका सदस्य रमेश श्रेष्ठले जानकारी दिए। मेट्रो सिटी हस्पिटलले मुख्य प्रायोजन गरेको उक्त प्रतियोगितामा २ लाख ६० हजार आम्दानी र २ लाख ४७ हजार ५ सय रुपैयाँ खर्च लाग्ने आयोजकको अनुमान छ।

Related News

सम्बन्धित समाचार

  • वडास्तरीय वडाध्यक्ष कप चापाकोट ४ लाई

    आदर्श समाज सम्वाददाता माघ २३, २०७९
    पोखरा।  माछापुच्छ्रे गाउँपालिका ८, ठाँटी ल्वाङघलेलमा आयोजित गण्डकी प्रदेश अन्तरवडास्तरीय पुरुष भलिबलको उपाधि चापाकोट वडा ४ ले जितेको छ ।…
  • जिएमसी स्पोर्टमा ११ कलेज सहभागी

    आदर्श समाज सम्वाददाता माघ २२, २०७९
    पोखरा । गण्डकी मेडिकल कलेजले आयोजना गरेको ‘जिएमसी स्पोर्ट फेस्ट २०२३’ सकिएको छ । ५ दिनसम्म चलेको उक्त स्पोर्ट मिटमा…
  • आजदेखि बिटी कप

    आदर्श समाज सम्वाददाता माघ २२, २०७९
    पोखरा । बुद्धटोल युवा क्लबको आयोजनामा आइतबारदेखि १६ औं बिटी कप छैटौं वीरेन स्मृति सेभेन ए साइड खुल्ला फुटबल प्रतियोगिता…
  • पोखरामा ९० हजार पुरस्कारको क्यारमबोर्ड प्रतियोगिता हुने

    आदर्श समाज सम्वाददाता माघ २१, २०७९
    पोखरा । पोखरामा ९० हजार पुरस्कार राशीको क्यारमबोर्ड प्रतियोगिता हुने भएको छ । फागुनको ५ र ६ गते हुने प्रतियोगिता…
  • फेन्सिङमा गण्डकीलाई स्वर्ण

    आदर्श समाज सम्वाददाता माघ २१, २०७९
    पोखरा । पोखरा महानगरपालिका खेलकुद विकास समितिले आयोजना गरेको राष्ट्रिय इपी फेन्सिङ प्रतियोगितामा जुनियर पुरुष र महिला विधामा गण्डकीले स्वर्ण…

hero news full width