सेरावेशीमा क्यान्सरबारे सचेतना

आदर्श समाज सम्वाददाता
फागुन २७, २०७४
cancer tanahun

पोखरा, २६ फागुन । नेपाल अर्वुदरोग निवारण संस्थाको आयोजना तथा शिवशक्ति महिला समूह सेरावेशी तनहुको संयोजनमा मुटु, श्वासप्रश्वास, क्यान्सर रोगका कारण, अवस्था र निवारण विषयक सचेतना कार्यक्रम तनहुँको शुक्लागण्डकी, सेरावेशीमा सम्पन्न भएको छ।

१०८ औँ महिला दिवस अवसर पारेर आयोजना गरिएको उक्त कार्यक्रममा १ सय २५ जनाभन्दा बढीको सहभागिता थियो।

शिवशक्ति महिला समूह सेरावेशीका अध्यक्ष उमा पन्थीको अध्यक्षता र नेपाल अर्वुदरोग निवारण संस्था कास्की शाखाका सभापति रामचन्द्र थापाको प्रमुख आतिथ्यमा सम्पन्न उक्त कार्यक्रममा संस्थाका सचिव नारायण पराजुली, प्रथम उपाध्यक्ष प्रेम भुजेल र कार्यसमिति सदस्य सरास्वती अधिकारीले मुटु, श्वासप्रश्वास, क्यान्सर रोगको अवस्था र निवारण विषयमा प्रशिक्षण दिएका थिए।

प्रशिक्षकले विशेषगरी वातावरण प्रदूषण, प्लाष्टिक र यसले वातावरणमा पार्ने नकारात्मक प्रभाव, सूर्तिजन्य पदार्थ, विषादी प्रयोग गरेका खाद्य पदार्थ र यसले पार्ने प्रभावबारे जानकारी गराएका थिए।

यसैगरी, चिनी, मैदा, नून र मसलायुक्त खानेकुराको बढी प्रयोगको कारणले क्यान्सर रोग समेत लाग्न सक्ने भएको हुँदा सोको प्रयोगमा सहभागीलाई सचेत गराउनुका साथै नियमित स्वास्थ्य परीक्षण र दैनिक व्यायाम गर्नुपर्नेमा जोड दिए।

कार्यक्रममा स्थानीय समाजसेवी नरेश भण्डारी, चन्द्रकला अधिकारी लगायतले क्यान्सर रोग र यसका विषयमा भनाइ राखेका थिए।

नेपाल अर्वूद रोग निवारण संस्थाका निवर्तमान सभापति रामप्रसाद बस्ताकोटीले कार्यक्रमको औचित्यतामाथि प्रकाश पारेका थिए भने सञ्चालन संस्थाका सचिव नारायण पराजुलीले गरेका थिए।

Related News

सम्बन्धित समाचार

  • नेपालमा पहिलो पल्ट समलिंगी विवाह

    आदर्श समाज सम्वाददाता मंसिर १३, २०८०
    पोखरा । नेपालमा पहिलो पल्ट समलिंगी विवाह दर्ता भएको छ । बुधबार माया गुरुङ र सुरेन्द्र पाण्डेको विवाह लमजुङको दोर्दी…
  • राष्ट्रियसभा निर्वाचन माघ ११ गते

    आदर्श समाज सम्वाददाता मंसिर १३, २०८०
    काठमाडौ‌ं ।  सरकारले राष्ट्रियसभाको रिक्त हुने सदस्य पदका लागि आगामी माघ ११ गते निर्वाचन गर्ने निर्णय गरेको छ । सिंहदरबारस्थित…
  • लम्पी स्किनबाट पीडित किसानलाई राहत

    आदर्श समाज सम्वाददाता मंसिर १३, २०८०
    दमौली । म्याग्दे गाउँपालिकाले लम्पी स्किन रोगको संक्रमणका कारण पीडित किसानलाई राहत हस्तान्तरण गरेको छ । गत आर्थिक वर्षमा महामारीरूपमा…
  • बुद्ध एयरको जहाज  ‘ओभरसुट’

    रासस मंसिर १२, २०८०
    काठमाडौं । बुद्ध एयरको जहाजले झापाको भद्रपुरस्थित चन्द्रगढी विमानस्थलमा ‘ओभरसुट’ गरेको छ । काठमाडौँबाट यात्रु बोकेर उडेको जहाजले आज साँझ…
  • जाजरकोट भूकम्प असर : त्रिपालमुनि एक हजार ७६ सुत्केरी

    रासस मंसिर १२, २०८०
    जाजरकोट । गत कात्तिक १७ गते राति यहाँको रामीडाँडा केन्द्रविन्दु बनाएर ६ दशमलव ४ म्याग्निच्युटको भूकम्पबाट घरमा क्षति भएपछि सबैभन्दा…

hero news full width