पोखरा, २४ फागुन । १०८ औं अन्तर्राष्ट्रिय महिला दिवस अवसरमा विभिन्न संघसंस्थाले बिहीबार तनहुँको बन्दीपुर- ५, भुजेल गाउँमा सहयोग गरेका छन्।
गुरुङ कला साहित्य परिषद् नेपाल र फोष्टन युके नेपलिज सोसाईटीले सहयोभुजेल गाउँका विद्यार्थी-महिलालाई सहयोगग गरेका हुन् ।
ती संस्थाले भुजेल गाउँमा रहेको आँदीबाराही प्राविका १ सय ९ विद्यार्थीलाई झोला र कापी, कलम तथा गाउँका ६० जना सुत्केरी महिलालाई झुल वितरण गरेका हुन् । करिब २ लाख मूल्य बराबरको सामग्री वितरण गरिएको बताइएको छ।
भुजेल गाउँबासीको आर्थिक अवस्था कमजोर भएका कारण विद्यार्थी र सुत्केरी महिलालाई सहयोग गरिएको हो ।
उनीहरुलाई कार्यक्रमकी प्रमुख अतिथि महिला नेतृ सरस्वती गुरुङ, तमु कला साहित्य परिषद् नेपालकी अध्यक्ष बुद्वलक्ष्मी गुरुङ, तमु समाज अष्ट्रेलियाका अध्यक्ष प्रेमकाजी गुरुङ, अधिकारकर्मी चमेली परियार, समाजसेवी निर्मला कार्की भण्डारी, सामाजिक अभियन्ता पम्फा गुरुङ र हिमा रेडाफनले ती सामाग्री वितरण गरेका थिए ।
कार्यक्रममा सहयोगी संस्थातर्फबाट भुजेल गाउँमा एसर्इइ परीक्षा उत्तीर्ण गर्ने रक्षा भुजेललाई उच्च शिक्षाका लागि सहयोग गर्ने प्रतिबद्वता जनाइएको छ ।
कार्यक्रममा बोल्दै महिला नेतृ सरस्वती गुरुङले भुजेल गाउँका लागि सहयोग जुटाउन लागिपर्ने उल्लेख गरिन् । ‘यो गाउँमा आइपुगेका छौं, यहाँको समस्या उजागर गर्छ’, उनले भनिन्-‘यो गाउँको समस्या समाधानमा लाग्ने छौं।’
भुजेल गाउँमा सानो उमेरमा नै प्रेम विवाह गर्ने गलत संस्कृतिको विकास भएको भन्दै त्यसलाई रोक्नका लागि अभियान चलाउन आग्रह गरिन् ।
तमु कला साहित्य परिषद्का सल्लाहकार राजबहादुर गुरुङले विपन्नलाई सहयोग गर्न एकजुट हुनुपर्ने बताए।
भुजेल समाज सेवा समितिका अध्यक्ष लोकबहादुर भुजेलले विकास र आर्थिक रुपमा भुजेल समुदायलाई पछि पारिएको गुनासो गरे ।
महिला अधिकारकर्मी चमेली परियारले पछाडि परेको क्षेत्र र समुदायलाई अघि ल्याउन सबैले सहयोग गर्नुपर्नेमा जोड दिइन्।
कार्यक्रममा आदिवासी जनजाति महासंघ तनहुँका अध्यक्ष बसुन्धरा र्घर्ती भुजेल, भुजेल समाज सेवा समिति कोषाध्यक्ष भीम भुजेल लगायत बोलेका थिए ।
सो कार्यक्रमलाई फोष्टन युके नेपलीज सोसाइटी अध्यक्ष चन्द्रबहादुर गुरुङ र तमु समाज अष्ट्रेलियाका अध्यक्ष प्रेमकाजी गुरुङले विशेष सहयोग गरेको बताइएको छ।
विद्यालय व्यवस्थापन समिति अध्यक्ष रेशम भुजेलको अध्यक्षतामा भएको कार्यक्रम गुरुङ कला साहित्य परिषद्का महासचिव कृष्णकुमार गुरुङले सञ्चालन गरेका थिए ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१