पोखरा, १५ फागुन । लोककवि अलिमियाँको शत्वाषिर्की अवसरमा पोखरामा मंगलबार अलिमियाँ शतक सम्मानबाट प्राध्यापक गणेशबहादुर गुरुङलाई सम्मान गरिएको छ।
विगत ६ दशकदेखि शिक्षा र समाजसेवाको क्षेत्रमा पुर्याएको योगदानको कदर गर्दै अलिमियाँ वाड्मय प्रतिष्ठानले उनलाई सम्मान गरेको हो।
पोखरा लेखनाथ महानगरपालिकाका प्रमुख मानबहादुर जिसी र प्रतिष्ठान अध्यक्ष हनिफ मियाँले सम्मानपत्र सहित दोसल्ला ओढाएर उनलाई सम्मान गरे। प्रा गुरुङ १९९५ साल कात्तिक १८ गते पर्वतको ठानामौलामा जन्मेका हुन्।
पोखरा लेखनाथ महानगरपालिका प्रमुख मानबहादुर जिसीले महानगरपालिकाले प्रत्येक वडामा एउटा पार्क निर्माण गर्ने तयारी गरिरहेको भन्दै अलिमियाँको जन्मस्थल पोखरा लेखनाथ महानगरपालिका वडा १३ मा उनैको नामबाट पार्क बनाउन सकिने उल्लेख गरे ।
आफूले साहित्य नजाने पनि साहित्यप्रति रुची राख्ने गरेको बताउँदै साहित्यले मानिसलाई तनाव मुक्त गर्ने उनको भनाइ छ।
उनले संस्कृति र प्रचूर सम्भावना नेपालको पुँजी भएको भन्दै बोलेर नभई गरेर देखाउनुपर्ने समय आएको बताए। प्रमुख जिसीले सम्मानित व्यक्तित्व प्रा गुरुङ अनुभवको पाठशाला भएको बताए।
सम्मानित व्यक्तित्व प्रा गुरुङले अलिमियाँको नामबाट सम्मान पाउँदा भाग्यमानी महसुस भएको बताए । उनले अलिमियाँ आफ्नो हृदयमा बास बस्न सकेको उल्लेख गरे।
प्रतिष्ठानका सल्लाहकार प्राडा रविलाल अधिकारीले राम्रो काम गर्ने व्यक्तिलाई सम्मान गरी प्रेरित गर्नुपर्नेमा जोड दिए।
सल्लाहकार डा कुुसुुमाकर न्यौपानेले नेपाली लोकसाहित्य र संस्कृतिलाई विश्वव्यापीकरण गर्नेतर्फ ध्यान दिनुपर्ने आवश्यकता औल्याए ।
प्रतिष्ठानकै अर्का सल्लाहकार प्राडा तारा बरालले सम्मानित गुरुङलाई ‘आजाद शत्रुु व्यक्तित्वका रुपमा चित्रण गरे।
वडाध्यक्ष दर्शन लामाले लोककवि अलिमियाँ राष्ट्रको पहिचान भएको उल्लेख गरे
कार्यक्रममा अलिमियाँ लोकतारा रामजी पौडेल र मुस्लिम युवा क्लबका अध्यक्ष अफजल अलिले रचनावाचन गरेका थिए ।
प्रतिष्ठान अध्यक्ष हनिफ मियाँको अध्यक्षतामा भएको कार्यक्रममा उपाध्यक्ष हरिदेवी कोइरालाले स्वागत र सचिव पद्मराज ढकालले सञ्चालन गरेका थिए।
लोककवि अलिमियाँको शत्वाषिर्कीको अवसर पारेर वर्षभरी नै विविध कार्यक्रम गरिने भएको छ। फागुन २६ गते वरिष्ठ चलचित्र निर्देशक चेतन कार्कीलाई सम्मान गरिँदैछ।
जेठ ९ गते अलिमियाँ वाङ्मय प्रतिष्ठानको वाषिर्कोत्सव र साउन १८ गते स्मृति दिवसमा विशेष कार्यक्रम गरिने बताइएको छ। त्यसबाहेक पनि अन्य कार्यक्रम थप गरिने प्रतिष्ठानले जनाएको छ।
Related News
सम्बन्धित समाचार
हर्पनकोट माविमा छात्रवृत्ति वितरण
फेवातालमा एक युवक मृत फेला, २ दिनसम्म भएन पहिचान
सामुदायिक विद्यालयका कर्मचारीकाे लगातार धर्ना
कृष्णमणिलाई वातावरण पत्रकारिता पुरस्कार
रास्वपा पोखरा २६ गठन
hero news full width
मुख्य समाचार
पारित भयो गण्डकीको नीति तथा कार्यक्रम
नीति तथा कार्यक्रममाथि छलफल : एकल पुरुष भत्ताको व्यवस्था हुनुपर्ने माग
जेठ २५, २०८०पोखरामा ‘ड्रागन बोट रेस फेस्टिभल’को तयारी, चीनबाट ल्याइयो ८ वटा विशेष डुंगा
जेठ २५, २०८०जिसस स्याङ्जाको गाडी दुर्घटना, चालकको मृत्यु, ३ घाइते
जेठ २४, २०८०मुर्रा राँगो : भैंसीको नश्ल सुधारका लागि विशेष योगदान
जेठ २४, २०८०उच्च शिक्षा प्रदेशकै एकल अधिकारमा पर्छ माननीय ज्यू !
जेठ २४, २०८०