सांग्रिला बैंक र एपोलो हस्पिटलबीच सम्झौता

आदर्श समाज सम्वाददाता
फागुन १६, २०७४
sangrila

पोखरा, १५ फागुन । काठमाडौको बालुवाटारमा प्रधानकार्यालय रहेको सांग्रिला डेभलपमेन्ट बैंक र एपोलो हस्पीटल इन्डीयाबीच सेवा आदानप्रदान विषयमा सम्झौता भएको छ।

काठमाडौमा मंगलबार आयोजित कार्यक्रममा बैंकका तर्फबाट उक्त समझदारी पत्रमा बैंकका प्रमुख कार्यकारी अधिकृत राजेन्द्रप्रसाद पौडेल र एपोलो हस्पिटलका तर्फबाट प्रबन्ध निर्देशक अशोक बाजपाईले हस्ताक्षर गरे ।

सम्झौतापछि एपोलो हस्पिटलमा बैंकका ग्राहक, सेयरधनी कर्मचारी र तिनका परिवारले सेवा लिँदा उक्त सेवामा १० प्रतिशतसम्म छुट प्रदान गरिने द्विपक्षीय सहमति भएको हो।  सम्झौता अनुरुप विकास बैंकका ३ लाख भन्दा बढी ग्राहक, १५ हजारभन्दा बढी सेयरधनी, ४ सय भन्दा बढी कर्मचारी र तिनका परिवारले सर्वसुलभ तरिकाबाट गुणस्तरीय स्वास्थ्य सेवा लिन सक्नेछन्। उक्त सेवा लिनको लागि ग्राहकले बैंकले प्रदान गर्ने भिसा डेबिट कार्ड लिएको हुनुपर्नेछ।

हस्पिटलका प्रबन्ध निर्देशक अशोक बाजपाईका अनुसार हस्पिटलको काठमाडौंस्थित सूचना केन्द्रबाट सेवाग्राहीले हस्पिटलसँग सिधैँ समन्वय गर्न सक्ने र उपचारको लागि जानु पर्दाको अवस्थामा ग्राहकले अग्रिम सयम लिएको खण्डमा ग्राहकलाई विमानस्थलबाट हस्पिटल वा होटलसम्मको यातायातको सुविधा हस्पिटलले नै प्रदान र होटलको पनि सुविधा प्रदान गर्ने सहमति भएको छ।

नेपालका धेरै उच्च पदस्थ व्यक्तिले एपोलो हस्पिटलबाट सेवा लिइसकेको प्रबन्ध निर्देशक बाजपाईले बताए।

कार्यक्रममा बैंकका अध्यक्ष प्राडा रविन्द्रप्रसाद श्रेष्ठले यो सम्झौता विकास बैंकको सक्रियतामा भएको र यसले विकास बैंकका ग्राहकलाई मात्र नभई सम्पूर्ण नेपालीलाई भारतमा स्वास्थ्य सेवा लिनको लागि सहज हुने बताए।

Related News

सम्बन्धित समाचार

  • टुँडिखेलमा ऐतिहासिक दसैं मेला

    आदर्श समाज सम्वाददाता असाेज १०, २०७९
    पोखरा । राष्ट्रिय मावि, पोखराको व्यवस्थापनमा पुरानो टुँडिखेलमा ऐतिहासिक दसैं मेला हुने भएको छ । स्थानीयको आवश्यकता र आर्थिक बिनिमय…
  • व्यवसायीहरुलाई सुरक्षा र सहजता प्रदान गर्न पोउवा संघको माग

    आदर्श समाज सम्वाददाता असाेज ९, २०७९
    पोखरा। पोखरा उद्योग वाणिज्य संघले चाडपर्वमा उद्योगी÷व्यवसायीहरुलाई सुरक्षा र सहजता प्रदान गर्न सरोकारवालासँग आग्रह गरेको छ । संघका अध्यक्ष पवनकुमार…
  • जुग्नु पाउरोटी उद्योगमा छापा

    आदर्श समाज सम्वाददाता असाेज ९, २०७९
    नवलपुर । जुग्नु पाउरोटी उद्योग, प्रगतिनगरमा जिल्ला अनुुगमन समितिले छापा मारेको छ । घरेलुु तथा साना उद्योग कार्यालय र जिल्ला…
  • ‘युवा विद्यार्थीहरुसँग सन नेपाल लाइफ’

    आदर्श समाज सम्वाददाता असाेज ९, २०७९
    पोखरा । सन नेपाल लाइफ इन्स्योरेन्स कम्पनी लिमिटेडकोे ५ औं वार्षिकोत्सव कार्यक्रम अन्तर्गत पोखरामा विविध कार्यक्रम भएको छ । बिमा…
  • चितवन उद्योग संघको ३१ औं सभा

    आदर्श समाज सम्वाददाता असाेज ९, २०७९
    भरतपुर । चितवन उद्योग संघको ३१ औं वार्षिक साधारण सभा तथा चितवन औद्योगिक विकास बचत तथा ऋण सहकारीको ११ वार्षिक…

hero news full width