ओमको दाङमा शाखा विस्तार

आदर्श समाज सम्वाददाता
फागुन १५, २०७४
om bank

पोखरा, १४ फागुन। ओम डेभलपमेन्ट बैंकले दाङको लमहीमा शाखा विस्तार गरेको छ।

प्रमुख अतिथि लमही नगरपालिकाका मेयर कुलबहादुर केसीले देउखुरी बहुमुखी क्याम्पसका विद्यार्थीलाई बैंकको तर्फबाट प्रदान गरिने छात्रवृत्ति घोषणा गर्दै शाखा उद्घाटन गरे।

समारोहमा बैंकका अध्यक्ष सुशीलकुमार गोशली र प्रमुख कार्यकारी अधिकृत विश्वमोहन अधिकारीले बैंकले प्रदान गर्ने सेवा सुविधाबारे जानकारी गराए।

बैंकले माघ मसान्तसम्म १७ अर्ब ७१ करोड निक्षेप संकलन गरी १६ अर्ब १० करोड रुपैयाँ कर्जा लगानी गरेको छ। हालसम्म बैकको शाखा संख्या ५२, कर्मचारी संख्या ३ सय ९९, ग्राहक संख्या करिब २ लाख ३१ हजार, एटिएम संख्या ३१ रहेको छ।

यसैबीच, ग्राहकलाई निःशुल्क सि-आश्वा सेवा समेत प्रदान गर्दैआएको छ।

बैंकले सेयरधनीलाई १७.६९ प्रतिशत लाभांश वितरण गर्न नेपाल राष्ट्र बैंकबाट स्वीकृति प्राप्त भईसकेको सो लाभांश बैंकको फागुन २५ मा पोखरामा हुने वाषिर्क साधारण सभाले प्रस्ताव पारित गरेपछि वितरण हुने जनाएको छ ।

हालै बैंकले जर्मनीको केएफडब्लु बैंकसँग साना तथा मझौला कर्जाअन्तर्गत २ लाखदेखि ४० लाख रुपैयाँसम्म कर्जा लगानी गर्न सम्भौता गरी कर्जा लगानी शुरु गर्दैआएको पनि बैंकका प्रमुख कार्यकारी अधिकृत अधिकारीले बताए।

Related News

सम्बन्धित समाचार

    hero news full width