काँग्रेसको हार बलियो बन्ने अवसरः महामन्त्री कोइराला

आदर्श समाज सम्वाददाता
फागुन १४, २०७४
sasaka

पोखरा, १३ फागुन । नेपाली काँग्रेसका महामन्त्री डा सशांक कोइरालाले काँग्रेसले चुनावी हारलाई संगठन बलियो बनाउने अवसरका रुपमा लिनुपर्ने बताएका छन्।

उनले काँग्रेस नराम्ररी पराजित भए पनि अब कमजोर पक्षलाई सुधार्दै बलियो बन्नुपर्ने आवश्यकता औंल्याए।

नेपाल शिक्षक संघ, प्रदेश ४ को प्रथम अधिवेशन पोखरामा आइतबार उद्घाटन गर्दै उनले उक्त कुरा बताएका हुन् ।

उनले समानुपातिक नतिजा अनुसार काँग्रेस घटेकोजस्तो नदेखिएको पनि बताए । ‘सिद्धान्त, इतिहास र कार्यकर्ता, यी तीन पक्ष काँग्रेसको सबल पक्ष हो। यसको उपयोग गर्न सके काँग्रेस बलियो छ’ उनले भने।

काँग्रेस संसदीय दलको नेता पनि सर्वसम्मत रुपमै चयन हुनुपर्ने आफ्नो मान्यता रहेको कोइरालाले बताए। यद्यपि, आइतबार बिहान बसेको केन्द्रीय कार्यसमिति बैठकला दलका नेता चयनका लागि फागुन २१ गते निर्वाचन गर्ने निर्णय गरिसकेको छ। दलको नेताका लागि पार्टीसभापति शेरबहादुर देउवा र नेता प्रकाशमान सिंह प्रतिष्पर्धामा उत्रने तयारीमा छन्। सर्वसम्मत भए कोइराला नै बन्ने चर्चा पनि नचलेको होइन। महामन्त्री कोइरालाले काँग्रेसको चुनौती कठिन रहेकाले सर्वसम्मत रुपमै नेतृत्व चयन भए आमपार्टीकार्यकर्ता, मतदातालाई राम्रो सन्देश जाने बताए।

वीपी पुत्र समेत रहेका डा सशांकले बनारसमा विद्यार्थीकालको स्मरण गर्दै वीपीले सबैभन्दा धेरै सम्मानभाव शिक्षकलाई गर्ने समेत उल्लेख गरे। उनले शिक्षा नीति केन्द्रमै हुनुपर्ने पक्षमा आफू रहेको उल्लेख गर्दै आफू शिक्षकको हितमा सदैव रहने बताए।

संघका केन्द्रिय उपाध्यक्ष किशोरदत्त बरालले अध्यक्षता गरेको कार्यक्रममा पूर्व मन्त्री तथा काँग्रेस नेता यज्ञबहादुर थापाले चुनावअघि जित मात्रै देखेको काँग्रेस अहिले हारेर जिल्ल अवस्थामा रहेकाले जुर्मुराउनुको विकल्प नरहेको बताए। उनले नेतृत्व गर्न वीपीपुत्र सशांकलाई खुट्टा नकमाउन, बुबाको विचार अघि बढाउन ढाडस दिए।

प्रदेश सांसद कृष्णचन्द्र नेपालीले तदर्थ समिति नै भए पनि पार्टीले सातै प्रदेशमा प्रदेशस्तरीय संगठन निर्माण गर्न सुझाव दिए। उनले प्रदेश ४ मा १५ जना सांसद मात्रै काँग्रेसको भए पनि जिम्मेवार प्रतिपक्षीको भूमिका निर्वाह गर्दै आफ्नो ठाउँबाट सक्दो गर्ने बताए।

काँग्रेस कास्की सभापति कृष्ण केसीले वर्तमान सरकार क्युबाको फिडोल क्यास्ट्रो शैलीमा अघि बढेको भन्दै काँग्रेस बलियो हुनुपर्ने बताए।

काँग्रेस नेता शुक्रराज शर्माले शिक्षक इमान्दार बनेमात्र विद्यार्थीले सिक्ने, शिक्षक संघका साथीहरु बलियो भए पार्टीबलियो हुने बताए।

कार्यक्रममा पूर्व सांसद शारदा पौडेल लगायतले २० जना बढीले शुभकामना व्यक्त गरेका थिए। संघको प्रथम अधिवेशन सोमबार २७ सदस्यीय कार्यसमिति गठन गर्दै समापन हुनेछ।

Related News

सम्बन्धित समाचार

  • एमाले अन्नपूर्णको अधिवेशन

    आदर्श समाज सम्वाददाता जेठ ३१, २०८१
    पोखरा । नेकपा (एमाले) अन्नपूर्ण गाउँपालिकाको दोस्रो अधिवेशन बुधबारदेखि सुरु भएको छ । अधिवेशन उद्घाटन गर्दै एमाले स्थायी कमिटी सदस्य खगराज…
  • गण्डकीको नीति तथा कार्यक्रम आज

    आदर्श समाज सम्वाददाता जेठ २९, २०८१
    पोखरा । गण्डकी प्रदेश सरकारले आगामी आर्थिक वर्षका लागि नीति तथा कार्यक्रम मंगलबार ल्याउँदै छ । अहिले २ मन्त्रीको शपथ…
  • एमाले माछापुच्छ्रेमा विक्रम

    आदर्श समाज सम्वाददाता जेठ २९, २०८१
    पोखरा । माछापुच्छ्रे गाउँपालिकाको दोस्रो अधिवेशनबाट विक्रम गुरुङ अध्यक्षतामा दोहोरिएका छन् । ३ दिनसम्म चलेको अधिवेशनले उपाध्यक्षमा पूर्णबहादुर शाही (नवराज),…
  • संसद बैठक सुरु, मुख्यमन्त्री पाण्डेले राखे विश्वासको मतको प्रस्ताव

    आदर्श समाज सम्वाददाता जेठ २८, २०८१
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले विश्वासको मतका लागि संसदमा प्रस्ताव पेस गरेका छन् । सोमबार दिउँसोदेखि सुरु भएको…
  • संशयबीच विश्वासको मत लिँदै मुख्यमन्त्री पाण्डे

    आदर्श समाज सम्वाददाता जेठ २८, २०८१
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत लिँदै छन् । त्यसका लागि ३ बजे बैठक डाकिएको छ…

hero news full width