पोखरा, १२ फागुन । प्रदेश ४ का मुख्यमन्त्री पृथ्वीसुब्बा गुरुङले प्रदेशको विकास र समृद्धिका लागि निजी क्षेत्रसँग सहकार्य गरेर अगाडि बढ्ने प्रतिबद्धता जनाएका छन् ।
नेपाल उद्योग वाणिज्य महासंघ र नयाँ पत्रिका दैनिकले पोखरामा आइतबार आयोजना गरेको आर्थिक बहस कार्यक्रमलाई सम्बोधन गर्दै उनले विकासका मामिलामा निजी क्षेत्रसँगै अगाडि बढ्न तयार रहेको उल्लेख गरे ।
‘प्रदेश संरचना सबै जिरो ग्राउण्डमा छ । कसैले पनि बिगारेको छैन’, उनले भने-‘यसलाई हामीले चाहेजस्तो बनाउन सक्छौं । कस्तो बनाउने तपाईंहरुले सुझाव दिनुस् ।’
उनले प्रदेश ४ को समृद्धिको निर्विकल्प आधार कृषि, पर्यटन र जलश्रोत भएको भन्दै खनिज उद्योगलाई पनि जोड्न सकिने बताए । सरकारले सबै हिसाबको सहयोग गर्ने गुरुङको प्रतिबद्धता छ । ‘तपार्इंलाई आइपरेका सबै जटिलता फुकाउन सरकार तयार छ । तपाईंहरुको लगानीको सुरक्षा अब सरकारले गर्छ, उनले थपे-‘तपाईंहरु नयाँ सम्भावनामा लगानी बढाउनुस् । समृद्धिका लागि सरकारलाई सघाउनुस् ।’ उनले व्यवसायमा हुने कुनै पनि गुण्डागर्दी क्षम्य नहुने भन्दै यसको अन्त्य तत्कालै हुने बताए ।
मुख्यमन्त्री गुरुङले उत्तर दक्षिण कोरिडोर बनाएर दुर्इ देशको आर्थिक ट्रान्जिटको रुपमा प्रदेश ४ लाई प्रयोग गरिने बताएका छन् ।
कार्यक्रममा डा गोविन्दबहादुर थापाले प्रदेश ४ को आर्थिक तथा व्यावसायिक सम्भाव्यता र विकासका प्राथमिकताबारे कार्यपत्र प्रस्तुत गरेका थिए ।
प्रदेश ४ हरेक हिसाबले औसत रहेको भन्दै उनले यसको विकासका लागि नयाँ संरचनाको प्रदेश सरकारलाई अवसर बढिरहेको बताए । यस प्रदेशलाई पर्यटन मार्फत समृद्ध बनाउन सकिने भन्दै उनले पर्यटन विकासका केही आधार पनि प्रस्तुत गरे ।
कार्यक्रममा नेपाल उद्योग बाणिज्य महासंघ अध्यक्ष भवानी राणाले निजी क्षेत्र सरकारलाई सघाउन तयार रहेको उल्लेख गरिन् । अहिलेसम्म अँध्यारोमा लगानी गरेर जबर्जस्त यो अवस्थामा ल्याएको भन्दै उनले अब सही ठाउँको पहिचान गरेर लगानी बढाउनेमा निजी क्षेत्र क्रियाशील रहने बताइन्।
Related News
सम्बन्धित समाचार
बुटवल पावर कम्पनीको प्रस्तावित मूल्यको विरोध
बुद्ध विशाल बजार व्यापारिक एसोसिएसनको रक्तदान
सुपर मादी जलविद्युत् आयोजना राष्ट्रिय प्रसारण लाइनमा जोडियो
खाद्य लिमिटेडको बिक्री केन्द्र विस्तार
पोखरामा न्युरोडमा पाल्पा हाउस उद्घाटन
hero news full width
मुख्य समाचार
खर्कमा पर्यटक चहलपहल
प्लास्टिकजन्य फोहोर घटाउन पोखरा १२ अग्रसर
चैत्र १४, २०७९कार्यकारी अधिकार खोज्दै समन्वय समिति
चैत्र १४, २०७९पोखरा वन क्याम्पसको स्ववियुमा अखिल गठवन्धन विजयी
चैत्र १३, २०७९म्याग्दीमा भीरबाट लडेर र ढुंगाले लागेर २ जनाको मृत्यु
चैत्र १३, २०७९तान्ला त ‘खुँडेपोखरी’ ले पर्यटक ?
चैत्र १३, २०७९