सिर्जना माविको रजत जयन्ती

आदर्श समाज सम्वाददाता
फागुन १३, २०७४

पोखरा, १२ फागुन। सिर्जना आवासीय माध्यमिक विद्यालयको रजत जयन्ती शनिबार उद्घाटन गरिएको छ।

प्रतिनिधिसभा सदस्य खगराज अधिकारीले रजत जयन्ती समारोह उद्घाटन गर्दै निजी विद्यालयप्रतिको आकर्षण सामुदायिकको लागि चुनौती बनेको औल्याए।

उनले शिक्षा क्षेत्रमा निजी क्षेत्रको रिजल्ट राम्रो हुनु सरकारसामु चुनौती खडा भएको उल्लेख गरे। उनले सामुदायिक र निजी विद्यालयबीचको विभेदको अन्त्य गर्नुपर्नेमा जोड दिए। उनले बैंक तथा सहकारी जस्तै विद्यार्थी अभावमा सामुदायिक विद्यालय मर्ज भइरहेको उल्लेख गरे।

त्रिभुवन विश्वविद्यालय इञ्जिनियरिङ अध्ययन संस्थानका पूर्व डीन प्राडा भरतराज पहारीले विद्यालय तह शिक्षाले सफल नागरिक बन्न न्यूनतम ज्ञान र आचरण सिकाउने बताए।

समारोहमा विद्यालयको संस्थागत विकासमा योगदान पुर्‍याएकोमा हरिप्रसाद बराल, राजेन्द्रप्रसाद तिवारी र हर्कबहादुर गुरुङलाई सम्मान गरिएको थियो । प्रतिनिधिसभा सदस्य अधिकारीले उनीहरुलाई सम्मानपत्र हस्तान्तरण गरे ।

यस्तै, शैक्षिक तथा अतिरिक्त क्रियाकलापमा विजयी विद्यार्थीलाई पुरस्कार वितरण गरिएको थियो भने विद्यार्थीले सांस्कृतिक कार्यक्रम प्रस्तुत गरेका थिए।

कार्यक्रममा प्याव्सनका उपाध्यक्ष पुष्पराज बराल, केन्द्रीय सदस्य कृष्णबहादुर केसी, प्रदेश ४ का अध्यक्ष माधवशरण उपाध्यायले तीन तहको सरकारले वुद्धिमत्तापूर्वक काम नगरे शिक्षा क्षेत्रमा अझै बढी समस्या थपिने दावी गरे।

प्रिन्सिपल डोलराज पाण्डे, विद्यालय व्यवस्थापन समिति अध्यक्ष परशुराम बराल, शिक्षक तिलक काफ्ले, विष्णुप्रसाद सुवेदी, स्वयंसेवी शिक्षिका आना हेलेन, विद्यार्थी सुमी जिसी लगायतले शुभकामना मन्तव्य व्यक्त गरेका थिए ।

Related News

सम्बन्धित समाचार

  • कञ्चन क्यापिटलको पाँचौं वार्षिकोत्सव

    आदर्श समाज सम्वाददाता असार ७, २०८१
    पोखरा । कञ्चन क्यापिटल प्रालिले रक्तदान, सम्मान, पुरस्कार वितरणलगायत कार्यक्रम गरी पाँचौं वार्षिकोत्सव मनाएको छ । मंगलबार आयोजित रक्तदानमा ५६…
  • पोखरा आदर्शमा एकल नृत्यको अडिसन राउन्ड पूरा

    आदर्श समाज सम्वाददाता असार ७, २०८१
    पोखरा । नृत्य निर्देशक संघ नेपाल, गण्डकी प्रदेशको आयोजनामा सञ्चालन हुने खुला एकल नृत्य प्रतियोगिताको अडिसन राउन्ड पोखरा आदर्श सेकेन्डरी…
  • ‘शास्त्रीय मर्यादा कायम राखौं’

    आदर्श समाज सम्वाददाता असार ७, २०८१
    पोखरा । शास्त्रीय मर्यादा कायम राख्नुपर्नेमा जोड दिइएको छ । नेपाल ज्योतिष परिषद् कास्कीले बुधबार पोखरामा आयोजना गरेको पूर्वीय वाङ्मय…
  • पोखरा सुधारको माग

    आदर्श समाज सम्वाददाता असार ७, २०८१
    पोखरा । नेकपा एमाले पोखरा महानगर समितिले पोखरा महानगरपालिका प्रमुख धनराज आचार्यलाई विभिन्न मागसहित ध्यानाकर्षण पत्र बुझाएको छ । एमाले…
  • स्टेप बाइ स्टेप माविमा हाजिरीजवाफ

    आदर्श समाज सम्वाददाता असार ६, २०८१
    पोखरा । स्टेप बाई स्टेप मावि मासबार, पोखराले आफ्नो वार्षिक कार्यतालिका अनुसार कक्षा ८ देखि १० कक्षासम्मका विद्यार्थीबीच हाजिरीजवाफ प्रतियोगिता…

hero news full width