पोखरा, ९ फागुन। अन्तर्राष्ट्रिय क्रिकेट खेलाडी करन केसीलाई पोखरामा बुधबार सम्मान गरिएको छ। पश्चिमाञ्चल क्षेत्रीय खेलकुद विकास समितिले आयोजना गरेको कार्यक्रममा प्रदेश ४ का उद्योग, कृषि, वन, आपूर्र्ति तथा वातावरणमन्त्री रामशरण बस्नेतले क्रिकेटर केसीलाई दोसल्ला ओढाएर सम्मानपत्र हस्तान्तरण गरे ।
नामिवियामा भएको डिभिजन-२ नेपालले उपविजेता बन्दै विश्वकप छनोटमा स्थान बनाएको थियो। लिग चरणमा नेपालले ५ मध्ये ४ खेल जितेको थियो। प्रतियोगितामा धेरै नेपाली खेलाडीको प्रदर्शन शानदार रह्यो। क्यानडासं’गको खेलमा केसीले चमत्कारिक खेल प्रदर्शन गरेपछि नेपालको जित सम्भव भएको थियो। नेपालका स्ट्राइक बलर बाग्ालुङका केसीले आफ्नो ब्याटबाट नेपाललाई फाइनलमा पुर्याउन सफल भएका थिए।
कार्यक्रममा मन्त्री बस्नेतले खेल विकासका लागि प्रदेश ४ तयार रहेको उल्लेख गरे। उनले खेलाडीलाई खेलप्रति प्रोत्साहन गर्न केसीलाई प्रदेशको तर्फबाट १ लाख रुपैयाँ बजेट विनियोजन गरिने घोषणा गरे। उनले भने, ‘नामिवियामा नेपाली क्रिकेट टिमले गरेको उच्च प्रदर्शनले नेपालीको शीर उचो बनाएको छ।’
कार्यक्रममा क्रिकेटर केसीले भने, ‘हामी सदा तपाईहरुको साथमा छौं। नेपाली क्रिकेट टिमले खेलमा हारे पनि वा जिते पनि क्रिकेटलाई सधैँं माया गर्नुस्।’
पश्चिमाञ्चल क्षेत्रीय खेलकुद विकास समितिका अध्यक्ष खगराज पौडेलले खेलाडीले खेलेर बाँच्न सक्ने आधारशीला तयार हुनुपर्नेमा जोड दिए।
कार्यक्रममा प्रदेश सदस्य दीपक कोइराला, कृष्ण थापा, राजीव पहारी रर्र् इन्द्रधारा विष्ट समेत उपस्थित थिए । यसैबीच, मन्त्री बस्नेत लगायत प्रदेशसभा सदस्यले पोखरा रंगशालाको पूर्वाधार निरीक्षणसमेत गरे। कार्यक्रममा प्रदेश ४ स्तरीय मदन भण्डारी स्पोर्ट्स एकेडेमीले क्रिकेटर केसीलाई नगद १५ हजार रुपैयाँ प्रदान गर्यो। एकेडेमीका प्रदेश ४ इञ्चार्ज राजेश गुरुङले क्रिकेटर केसीलाई उक्त रकम प्रदान गरेका हुन्।
Related News
सम्बन्धित समाचार
पोखराको गन्नीलाई रनिङ सिल्ड
लमजुङमा दोस्रो कोरा साइकल दौड
ईश्वर बने चेस च्याम्पियन
यु–२० चेसमा १०५ खेलाडी
सेभेन ए साइड फुटबल जारी
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१