आजदेखि क्यान इन्फोटक

आदर्श समाज सम्वाददाता
फागुन ४, २०७४

पोखरा, ३ फागुन। कम्प्युटर एशोसियशन नेपाल (क्यान) कास्कीको आयोजनामा पोखरामा शुक्रबारदेखि नवौ संस्करणको क्यान इन्फोटक – २०१८ शुरु हुदैछ।

पोखरा नयाँबजारस्थित प्रदर्शनीकेन्द्रमा हुने इन्फोटक फागुन ८ गतेसम्म चल्नेछ। पोखरामा बिहीबार पत्रकार सम्मेलन गरी इन्फोटकको तयारी पूरा भएको क्यान कास्कीका सचिव विकास भुतेलले जानकारी दिए। कम्यूटर तथा सूचना प्रविधि सम्वन्धि अत्याधुनिक एवं नविनतम प्रविधिबारे जानकारी दिदै ग्रामीण क्षेत्रसम्म सूचना प्रविधिको पहुँच पुर्‍याउँने उद्देश्यले इन्फोटेक गर्न लागिएको हो।

इन्फोटेकमा सूचना प्रविधिसँग सम्वन्धित एक सय २० वटा स्टल रहने छन्। एक लाख दर्शकले मेला अवलोकन गर्ने आयोजकको अपेक्षा छ। इन्फोटेकबाट बचत भएको रकम सूचना प्रविधिको विकाससँग सामाजिक उत्तरदायित्व वहन गर्नका लागि खर्च गरिने छ।

मेलामा सूचना प्रविधि प्रदर्शनीसँगै प्रदेश नम्बर ४ स्तरीय टाइपिङ प्रतियोगिता, आइटी क्विज कन्टेष्ट, कम्युटर तथा ल्यापटपको निःशुल्क मर्मत गरिनेछ। विभिन्न सामाग्रीमा १० देखि ७० प्रतिशतसम्म छुट प्रदान गरिने बताइएको छ। इन्फोटेकको मुख्य प्रायोजन गर्ने हाइटेक इन्जिनियरिङ प्रा.लिका अरुण वंशालले डिजिकमका सवै उत्पादनमा २० प्रतिशत छुट दिने जानकारी दिएका छन्।

सांसद रवीन्द्र अधिकारीले शुक्रबार इन्फोटेकको उद्घाटन गर्ने छन्। इन्फोटेकमा शुक्रबार कलाकारहरु दिपकराज मिश्र र दिपाश्री निरौला पनि सहभागी हुने बताइएको छ। क्यान कास्कीका अध्यक्ष युवराज पौडेलको अध्यक्षतामा भएको कार्यक्रममा द्वितिय उपाध्यक्ष विश्वास भण्डारीले स्वागत र सहसचिव शेवक क्षितिजले संचालन गरेका थिए।

Related News

सम्बन्धित समाचार

  • पोखरा रोयल सहकारीको २३औं स्थापना दिवस

    आदर्श समाज सम्वाददाता जेठ ८, २०८१
    पोखरा । पोखरा रोयल बचत तथा ऋण सहकारी संस्थाले आज २३औं स्थापना दिवस मनाउँदैछ । सहकारी स्थापना दिवसको अवसरमा सहकारीले…
  • गुहेश्वरी मर्चेन्टको वित्तीय साक्षरता

    आदर्श समाज सम्वाददाता जेठ ७, २०८१
    काठमाडौं । गुहेश्वरी मर्चेन्ट बैंकिङ एन्ड फाइनान्सले ललितपुर जिल्लाको ललितपुर मनपा १३ मा अवस्थित सामुदायिक विद्यालय महेन्द्र भृकुटी माध्यमिक विद्यालयमा…
  • भरतपुरमा सुजुकी मोटर्सको शोरुम

    आदर्श समाज सम्वाददाता जेठ ७, २०८१
    चितवन । सुजुकी ब्रान्डको ४ पांग्रे सवारी साधनको चितवनका लागि आधिकारिक बिक्रेता साध्वी इन्टरनेसनल प्रालि उद्घाटन गरिएको छ । भरतपुर…
  • पोखरा आइडिया मार्ट सुरु, १९ समूह छनोट

    आदर्श समाज सम्वाददाता जेठ ७, २०८१
    पोखरा । व्यवसाय प्रवद्र्धन केन्द्र पोखरा महानगरपालिकाको आयोजना एवं नेपाली युवा उद्यमी मञ्चको सहकार्यमा पोखरा आइडिया मार्ट तथा बुट क्याम्प…
  • पोउवा संघमा इलामका व्यवसायी

    आदर्श समाज सम्वाददाता जेठ ६, २०८१
    पोखरा । पोखरा र इलाम उद्योग वाणिज्य संघबीच व्यवसाय प्रवद्र्धन र उत्पादित वस्तुहरूको बजारीकरणका निम्ति सहकार्य गर्ने सहमति जुटेको छ…

hero news full width