लागु औषध नियन्त्रणसम्बन्धी सचेतना र्‍यालीको तयारी

आदर्श समाज सम्वाददाता
फागुन ४, २०७४

पोखरा, ३ फागुन। सामुदायिक सेवा केन्द्र एवम् सामुदायिक प्रहरी सेवा पोखरा-१ वगर, जिल्ला प्रहरी कार्यालय कास्की र वडा प्रहरी कार्यालय वगरको संयुक्त आयोजनामा वृहत सचेतना र्‍याली निकालिने भएको छ।

जिल्ला प्रहरी कार्यालय कास्कीद्धारा अभियानको रुपमा शुरु गरिएको लागुऔषध नियन्त्रण महाअभियान-२०७४ अन्तरगत फागुन ५ गते शनिवार बिहान साँढे दशबजे लागु औषध नियन्त्रण सम्वन्धि वृहत सचेतना र्‍याली निकालिन लागिएको सामुदायिक सेवा केन्द्र एवम् सामुदायिक प्रहरी सेवा पोखरा-१ वगरकी अध्यक्ष जीवन अधिकारीले जानकारी दिइन्।

र्‍याली पोखरा लेखनाथ महानगर पालिका वडा नं. १ वगरको टुडिखेलबाट शुरु भई विन्ध्यवासिनी, मोहोरियाटोल, भिमसेनटोल, नालाकोमुख, गैह्रापाटन, नदिपुर, क्याम्पसगेट, भिमकालीपाटन हुँदै पुनः टुडिखेलमा आएर सभामा परिणत हुनेछ। र्‍यालीलाई सफल बनाउनका लागि विद्यालयका शिक्षक, विद्यार्थी, विभिन्न संघसंस्था, आमासमूह, क्लब, टोलविकास संस्था, लागु औषध नियन्त्रण महाअभियान वडास्तरिय समितिबाट लागु औषध सम्वन्धि प्लेकार्डसहित उपस्थित हुन अधिकारीले आग्रह गरिन्।

‘समाजमा जनचेतना जागाउनका लागि पनि र्‍यालीको आयोजना गरिएको हो’-अधिकारीले भनिन् – ‘र्‍यालीमा सहभागि भइ कार्यक्रम सफल बनाउनका लागि यहाँहरुसँग अनुरोध गर्दछु।’ लागु औषध विरुद्व जनमत निर्माणका लागि र्‍याली गर्न लागिएको कार्यक्रम संयोजक तथा केन्द्रका सहसचिव बसन्त बास्तोलाले जानकारी दिए।

सामुदायिक सेवा केन्द्र एव्म सामुदायिक प्रहरी सेवा पोखरा-१ वगरले समाजमा रहेका विकृति विसंगती न्यूनिकरणका लागि मिति २०५९ सालमा स्थापना भइ विभिन्न सचेतनामूलक तथा सामाजिक क्षेत्रमा काम गर्दै आएको छ।

Related News

सम्बन्धित समाचार

  • सन्तुलित भोजनबारे ताओ एसोसिएसनको सचेतना

    आदर्श समाज सम्वाददाता असाेज ११, २०७९
    पोखरा । ताओ एसोसिएसन अफ नेपाल गण्डकी प्रदेशले सोमबार पोखरामा मानव स्वास्थ्य र सन्तुलित खानपानसम्बन्धी सचेतनामूलक अन्तक्र्रिया गरेको छ । दसैं,…
  • पद्म नर्सिङ होम नदीपुरमा

    आदर्श समाज सम्वाददाता असाेज ११, २०७९
    पोखरा । पद्म नर्सिङ होम प्रालि सोमबारदेखि नदीपुरस्थित आफ्नै सुविधासम्पन्न भवनमा सरेको छ । पोखराकै सबैभन्दा पुरानो निजी अस्पताल पद्म…
  • श्रमिक सुरक्षाबारे चिन्ता

    आदर्श समाज सम्वाददाता असाेज ११, २०७९
    पोखरा । एशिया मानव अधिकार तथा सांस्कृतिक विकास मञ्च (एशियन फोरम) आयोजनामा टिम विल्डिङ कार्यशाला गोष्ठी भएको छ । दक्षिण…
  • बास नेपालको केन्द्रीय कार्यालय भवन शिलान्यास

    आदर्श समाज सम्वाददाता असाेज ११, २०७९
    नेपालगन्ज । बास नेपाल केन्द्रीय कार्यालय भवनको शिलान्यास गरिएको छ । नेपालगन्ज उपमहानगरपालिका वडा १८, भुजईगाँउमा स्थानीय जग्गादाता माधवराम बर्माले…
  • नेपाल निर्माण व्यवसायी संघको शुभकामना आदानप्रदान

    आदर्श समाज सम्वाददाता असाेज ११, २०७९
    पोखरा । नेपाल निर्माण व्यवसायी संघ कास्कीले दसैंतिहार, नेपाल संवत् ११४३ तथा छठ पर्व अवसरमा सोमबार शुभकामना आदानप्रदान कार्यक्रम गरेको…

hero news full width