आठौं सिलिङ्गे महाशिवरात्री मेला सम्पन्न

आदर्श समाज सम्वाददाता
फागुन ३, २०७४
bdr

bdr

पोखरा, २ फागुन।धार्मिक पर्यटनको माध्यमबाट स्थानीय क्षेत्रको विकासमा टेवा दिने उद्देश्यले पोखरा-२६ जलधारेमा आठौं सिलिङ्गे महाशिवरात्री मेला सम्पन्न भएको छ।

कार्यक्रमका प्रमुख अतिथि सभासद सूर्यबहादुर केसीले हिन्दू धर्मबाट नै अन्य विभिन्न धर्म जन्मिएको बताए। केसीले पुरानो धर्म नै हिन्दू धर्म भएकाले सबै धर्मको सम्मान गरिनुपर्नेमा जोड दिए।

जटाशंकर धार्मिक विकास समितिले आयोजना गरेको मेलामा युवा पण्डित रामप्रसाद सिग्देलको प्रमुख वाचक रहेका थिए। मेलामा विभिन्न भजन तथा राष्ट्रिय कलाकारले प्रस्तुती राखेका थिए।

सो अवसरमा वडाध्यक्ष नारायणप्रसाद बराल, भगवती हाइड्रो पावरका सञ्चालक वसन्तमोहन भट्टराई, लेखनाथ साना सहरी खानेपानी उपभोक्ता समितिका सचिव मुरारी शर्मा, राखी रेडक्रस उपशाखाका सभापति चन्द्रबहादुर रानाभाट, वडा सदस्य खड्कबहादुर रानाभाट र मुरली थपा लगायतले बोलेका थिए।

सो अवसरमा विजयपुर व्यारेकका दुर्इ सय जनाको टोलीले जटाशंकर शिव मन्दिर परिसरमा सरसफाइ गरेका थिए।

कार्यक्रम विकास समितिका अध्यक्ष कृष्णबहादुर अधिकारीको अध्यक्षतामा भएको कार्यक्रमको सञ्चालन मेला आयोजक समिति सदस्य विकास रानाभाट गरेका थिए।

Related News

सम्बन्धित समाचार

hero news full width

Recent Posts

भर्खरै