भिक्षु श्रद्धानन्द महास्थवीरको स्मरण

आदर्श समाज सम्वाददाता
फागुन १, २०७४
Shradhda Nanda Photo, 29 Magh

पोखरा, २९ माघ ।पोखरा नदिपुरस्थित धर्मशीला बुद्ध विहारका धर्मानुशासक भिक्षु भन्ते श्रद्धानन्द महास्थवीरको प्रथम वाषिर्की पुण्यतिथि कार्यक्रममा उनको स्मरण गरी सोमबार विहार परिसरमै सम्पन्न भएको छ। धर्मशीला बुद्ध विहार दायकसभाको आयोजनामा भएको कार्यक्रममा वक्ताहरुले भिक्षु श्रद्धानन्दले बुद्ध धर्मको प्रवर्द्धनमा पुर्‍याएको योगदानको स्मरण गरे।

भिक्षु धज्जवन्तेले आफू श्रीलंकामा अध्ययनका क्रममा सात वर्ष विताएर पोखरा आउँदा श्रद्धानन्दसँग भेट हुन नपाएपनि उनको गुणको बारेमा आफू जानकार रहेको बताए। उनले भन्तेको इतिहास उदाहरणीय रहेको भन्दै पोखरामै जन्मेर यहींको विहारमा रहेको सिंगो जीवनकालमा ज्ञानको ज्योति बाँडेको उल्लेख गरे।

भिक्षु मिन गुरुले २६ वर्षसम्म एकै ठाउँमा रहेर संगत गरेको उल्लेख गर्दै भन्तेको अभाव खड्किएको बताए। आफ्नो सरल व्यवहार, बुद्ध शासनको नीति नियममा कडापनको स्मरण गरे। गुरुले विहार भासिएर अहिले दयनीय अवस्था रहेकाले सबैको सहयोगमा पुनर्निर्माणको खाँचो औंल्याए। विश्वशान्ति स्तुपा अनदुका अध्यक्ष शंकर गुरुङले संगै पढाउने रत्नमान कायस्थ राष्ट्रिय माविमा सेवा निवृत्त भएपछि भिक्षु श्रद्धानन्द बनेको स्मरण गर्दै आफू चेलो उपासक बनेको जनाए।

दायकसभाका अध्यक्ष कृष्णमान गुभाजुको अध्यक्षतामा भएको कार्यक्रममा गृहस्थी परिवारका तर्फबाट भतिजो राजेन्द्र कायस्थ, धम्मकाँटा बौद्ध मण्डला विकास तथा व्यवस्थापन समितिकी अध्यक्ष रुद्रकुमारी गुरुङ मैना, बुद्ध जयन्ती मूल समारोह समिति कास्की अध्यक्ष नरेन्द्र लालचनले श्रद्धानन्दलाई स्मरण गरे।

कार्यक्रममा स्वागत उपाध्यक्ष कुलमान बुद्धाचार्य तथा सञ्चालन सचिव श्याम शाक्यले गरेका थिए। कार्यक्रममा पुण्यानुमोदन तथा दान प्रदान गरियो भने सोमबार साँझ ६ बजे श्रद्धानन्दप्रति श्रद्धाभाव व्यक्त गर्दै दीप प्रज्ज्वलन, ज्ञानमाला भजन आयोजना गरिएको थियो ।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width