पोखरा, २० माघ । कल्याण शेरचन स्मृति पुरस्कार खड्गबहादुर रानाभाटलाई प्रदान गरिने भएको छ।

लोकस्रष्टा, साधक तथा शिल्पी कल्याण शेरचनको माघ २४ गते पोखरा हुने सातौ स्मृति सभा तथा व्यक्तित्व सम्मान कार्यक्रममा खेलकुद विधाअन्तर्गत प्रमुख प्रशिक्षक रानाभाटलाई २५ हजार एक रुपैयँासहित सम्मान गरिने भएको छ।

लोकस्रष्टा, शेरचनका लोक संस्कृति, खेलकुद र शिक्षामध्ये यस वर्ष लामो समयदेखि खेलकुद क्षेत्र -एथलेटिक्स, भलिबल र फुटबल) बाट राष्ट्रिय, साफ, एशियन हुँदै ओलम्पिकसम्म सहभागी भएर नेपाली खेलकुदमा विशेष योगदान प्रदान गरेका पूर्व खेलाडी, प्रमुख प्रशिक्षक खड्गबहादुर रानाभाटलाई सम्मान गर्ने निर्णय भएको प्रतिष्ठानका अध्यक्ष क्या.पूर्णबहादुर ह्योल्मोले जानकारी दिए। सल्लाहकार दीपेन्द्र श्रेष्ठको संयोजक, सल्लाहकारद्वय खेमबहादुर गुरुङ र हेमबहादुर गुरुङ सदस्य रहेको व्यक्तित्व छनौट समितिले रानाभाटको नाम चयन गरी प्रतिष्ठानलाई जानकारी गराएको थियो।