शान्तिलाई प्रेस चौतारी पुरस्कार

आदर्श समाज सम्वाददाता
माघ १८, २०७४
shanti

पत्रकार शान्ति गुरुङ प्रेस चौतारी पत्रकारिता पुरस्कारबाट सम्मानित हुने भएकी छन् । प्रेस चौतारी नेपालका पूर्व गण्डकी इन्चार्ज तथा कास्कीका पूर्व अध्यक्ष हरि बास्तोलाको संयोजकत्वमा गठित प्रतिभा छनोट समितिले गुरुङलाई उक्त पुरस्कारबाट सम्मान गर्न सिफारिस गरेकोमा प्रेस चौतारी कास्कीको बुधबारको बैठकले अनुमोदन गरेको हो ।

समिति सदस्यमा चौतारीका केन्द्रीय सदस्य श्रीराम सिग्देल, पत्रकार महासंघका केन्द्रीय सदस्य तथा प्रेस चौतारी कास्कीका सल्लाहकार रामकृष्ण ज्ञवाली, पदेनसदस्य प्रेस चौतारी कास्कीका अध्यक्ष माधव बराल र सचिव अर्जुन गिरी थिए । प्रेस चौतारीको स्थापना दिवस अवसरमा माघ २२ मा पत्रकार गुरुङलाई उक्त पुरस्कारबाट सम्मान गरिने जनाइएको छ । पुरस्कारको राशि ११ हजार १ सय ११ र सम्मानपत्र छ ।

Related News

सम्बन्धित समाचार

hero news full width