दोहोरो पार्किङको माग

आदर्श समाज सम्वाददाता
माघ १८, २०७४

पोखरा, १७ माघ। सृजनाचोक-पृथ्वीचोक वारिपारि बजार व्यवस्थापन सरोकार समितिले बुधबार पोखरा ८ को वडा कार्यालयलाई ज्ञापनपत्र बुझाएको छ। बजार क्षेत्रमा दोहोरो व्यवस्थित पार्किङ व्यवस्था गर्न माग गर्दै समितिका संयोजक बोधराज सुवेदीको नेतृत्वमा गएको व्यवसायीको टोलीले वडाध्यक्ष रुद्र बराललाई ज्ञापनपत्र बुझाएको थियो।

सिर्जनाचोकदेखि चाइनापुल तथा पृथ्वीचोकदेखि नागढुङ्गासम्म दोहोरो पार्किङ हटाउँदा व्यवसायमा असर परेको भन्दै समितिले वडा कार्यालयको ध्यानाकर्षण गराएको व्यवसायी राजेन्द्रप्रसाद सुवेदीले बताए। त्यसरी पार्किङ हटाउँदा घरधनी, व्यवसायी, उपभोक्ता, बैक तथा वित्तीय संस्था र उपभोक्ता समेतलाई गम्भीर असर परेको समितिले जनाएको छ।

ट्राफिक प्रहरीले पार्किङ गरेका सवारी नियन्त्रण गरी जरिवाना गराउँदा बजार क्षेत्र शून्य हुन पुगेको उल्लेख छ। त्यस क्षेत्रमा झण्डै १० दिनदेखि ट्राफिक प्रहरीले दोहोरो पार्किङ हटाएको छ।

ज्ञापनपत्रमा दोहोरो पार्किङ हटाएपछि समस्या भैरहेको भन्दै समाधानका लागि पहल गर्न अनुरोध गरिएको छ। पोखराका अन्य क्षेत्रमा जस्तै दोहोरो पार्किङको व्यवस्था मिलाइदिन आग्रह गर्दै २ सय ३० जना सरोकारवालाले हस्ताक्षर गरी ज्ञापनपत्र बुझाएका छन्।

ज्ञापनपत्र बुझ्दै वडाध्यक्ष बरालले वैज्ञानिक पार्किङ व्यवस्थाको पक्षमा आफू रहेको बताए।

उनले पोखरा लेखनाथ महानगरपालिकाका प्रमुखसँग शुक्रबारसम्म छलफल गरी समस्या समाधान गर्न पहल गर्ने आश्वासन दिएको समितिका संयोजक सुवेदीले बताए।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width