लेखनाथ, १६ माघ। जस्मिन पेन्ट्स प्रालिले हरेक महिनामा सञ्चालन गर्दै आएको बम्बर उपहार योजनाअन्तर्गत लक्की ड्रमा पोखरा २८, कालिकाकी रचना भुजेल निजेता बनेकी छन्।

मनकामना ग्रुपको प्रमुख उद्योग जस्मिन पेन्ट्स बहार बम्पर उपहारअन्तर्गत मंसिरमा पोखरा २६, बूढीबजारमा रहेको जुपिटर टेडिङ सेन्टरबाट रङ खरिद गरेकी भुजेललाई विजेता वापत लेखनाथ महोत्सव अवसरमा स्कूटर प्रदान गरिएको हो।

उक्त अवसरमा महोत्सवमा उपस्थित उल्लेख्य दर्शकबीच विजेता भुजेललाई जस्मीन पेन्ट्सका कन्टि्र मेनेजर रविन शर्मा भुषाल, लेखनाथ उद्योग वाणिज्य संघका निवर्तमान अध्यक्ष लक्ष्मीप्रसाद त्रिपाठी, पूर्व अध्यक्ष बाबुराम गिरी, एरिया सेल्स म्यानेजर चेतन बस्याल, सेल्स अफिसर कुमार भुजेल, लेखनाथ हार्डवर्यस् एशोसियसन अध्यक्ष शैलेन्द्रमोहन भट्टराई, संस्थापक अध्यक्ष राजेन्द्र ओझा, महासचिव गोपिचन्द्र बास्तोला, सल्लाहकार भरतकुमार अधिकारी लगायतले सामूहिक रुपमा स्कूटर प्रदान गरेका थिए।

यसअघि, जस्मीन पेन्ट्सको उपहार योजनाबाट भदौ, असोज र कात्तिकमा झापा निवासी अन्जु पौडेल, नवलपुर निवासी सन्तबहादुर थारु र बर्दघाट निवासी गोपाल दुवे पुरस्कृत भइसकेका छन्।  जस्मिन पेन्ट्सले हरेक ६ महिनाका लागि जस्मिन पेन्ट्सको बहार बम्परमा कार उपहार समेत राखेको भने उपभोक्ताको सन्तुष्टिका लागि प्रत्येक दिन देशभरबाट घरधनीलाई हात खाली नजाने उपहार योजना पनि सञ्चालन गरेको छ।