सरकारका निर्णयले जनमतको खिल्ली उडायो : दाहाल

आदर्श समाज सम्वाददाता
माघ १४, २०७४

चितवन, १३ माघ। नेकपा माओवादी केन्द्र अध्यक्ष पुष्पकमल दाहालले सरकारका निर्णयले जनमतको खिल्ली उडाएको बताएका छन्।

प्रेस सेन्टर चितवनले शनिबार भरतपुर विमानस्थलमा आयोजना गरेको पत्रकार सम्मेलनमा बोल्दै दाहाललेे सरकारले गरेका पछिल्ला निर्णय काँग्रेसको लोकतान्त्रिक चरित्रविपरीत भएको बताए। उनले भने-‘यस्ता निर्णयले नेपाली काँग्रेसलाई दीर्घकालीन असर गर्छ भन्ने कुरा साँचो हो।’

उनले भने-‘दीर्घकालीन महत्व र गम्भीर प्रकृतिका निर्णय धमाधम गर्दा त्यसले घाटा काँग्रेसलाई हुन्छ।’ अहिलेको कामचलाउ सरकारले गम्भीर प्रकृतिका निर्णय गर्ने गल्ति गरेको बताउँदै दाहालले कतिपय निर्णय अब बन्ने सरकारले फेर्न सक्ने बताए। उनले भने-‘सबै उल्ट्याउने भन्ने हुँदैन। औचित्यका आधारमा सही छन् भने कायम रहन्छन्।’

उनले अगाडि थपे-‘कतिपय निर्णय दिर्घकालीन असर पर्ने र कामचलाउ सरकारको परिधिभन्दा बाहिर भएका छन् ती निर्णय नयाँ सरकारले फेर्न सक्छ।’

एमालेले केही दिनअघि सरकारका पछिल्ला काम कारबाही विषयलाई लिएर गरेको पत्रकार सम्मेलनमा एमाले अध्यक्ष केपी ओलीले सार्वजनिक गरेका धारणा नै माओवादी केन्द्रको पनि आधिकारिक धारणा भएको दाहालको भनाइ छ। उनले एमालेको पत्रकार सम्मेलनमा आफू चाहँदाचाहँदै पनि कार्यव्यस्तताको कारण उपस्थित हुन नसकेको स्पष्ट पारे।

सरकारले चितवन बाँदरमुढे घटनामा ज्यान गुमाएकालाई शहीद घोषणा गरेकोमा आपत्ति नभए पनि कामचलाउ सरकारले यस्ता अनावश्यक काम नगरेको राम्रो हुने दाहालले बताए। उनले जसको नेतृत्वमा सरकार भयो त्यसले आफूखुशी शहीद घोषणा गर्ने प्रक्रिया राम्रो नभएको बताए।

दाहालले सरकार गठनभन्दा पहिला एमाले र माओवादी केन्द्रबीच पार्टीएकता टुङ्ग्याउने क्रममा आफूहरु रहेको बताए। उनले भने-‘सरकार त गठन हुन्छ नै पार्टीएकता त्यो भन्दा अगाडि नै होस् भन्ने आफ्नो चाहना छ।’

उनले अगाडि थपे-‘मेरो कोशिष भन्नुहुन्छ भने त सरकार गठनभन्दा अघि नै पार्टीएकता हुनु जनभावना अनुसार पनि हुन्छ। हामीले गरेको प्रतिबद्धता अनुसार पनि हुन्छ।’

आज भोलि नै एउटा निष्कर्षमा पुग्ने तयारीमा रहेको पनि उनले बताए।  छिटै दुवै पार्टीको अध्यक्ष तहमा पनि गम्भीर ढंगले छलफल गरिने बताउँदै दाहालले भने-‘आज फर्किएर गएपछि पार्टीएकता संयोजन समितिमा पनि छलफल गरेर सरकार गठनभन्दा पहिला पार्टीएकता टुङ्गाउने क्रममा हामी छौं।’ उनले फागुनको दोस्रो हप्ताभित्र सरकार गठन हुने दावी गरे। देशको राजनीतिक स्थायित्व हुन र विकासलाई गति दिनका लागि पनि कम्युनिष्टको एउटा बलियो केन्द्र आबश्यक रहेको दाहालले बताए।

अब बन्ने वाम गठबन्धनको सरकारमा मधेशवादी दलहरु पनि सहभागी हुने विश्वास दाहालले व्यक्त गरे। मधेशवादी दलहरुले उठाएको संविधान संसोधनको बिषयमा पनि समझदारी बन्ने सम्भावना रहेको उनको भनाइ थियो।

Related News

सम्बन्धित समाचार

  • मेश्रम वराह माविको हीरक जयन्ती

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिका–१०, घान्द्रुकस्थित मेश्रम वराह माध्यमिक विद्यालयको हीरक जयन्ती सुरु भएको छ । मंगलबार विद्यालयमा आयोजित एक समारोहबीच…
  • जिससका पदाधिकारीलाई तालिम

    आदर्श समाज सम्वाददाता फागुन १६, २०८०
    पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी…
  • नेवा पत्रकारलाई समाचार लेखन तालिम

    आदर्श समाज सम्वाददाता फागुन १५, २०८०
    नेवा पत्रकार पुचः कास्कीको आयोजना तथा पोखरा महानगरपालिका ९ को सहयोगमा समाचार लेखन सम्बन्धी आधारभूत तालिम भएको छ । मंगलबार…
  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मुख्यमन्त्रीद्वारा प्रदेश प्रहरी कार्यालय निरीक्षण

    आदर्श समाज सम्वाददाता फागुन १५, २०८०
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशको समग्र शान्ति सुरक्षालाई थप मजबुद र विश्वसनीय बनाई जनमैत्री र नागरिक केन्द्रित…

hero news full width