प्रदेश ४ को पहिलो नाटक घर

आदर्श समाज सम्वाददाता
माघ १४, २०७४

पोखरा, १३ माघ। पोखरामा पहिलो नाटक घर निर्माण सम्पन्न भएको छ। गैह्रापाटनमा प्रदेश ४ कै पहिलो नाटक घर ‘पोखरा थियटर’ निर्माण भएको हो।

थियटरमा पोखराका रंगकर्मीद्वय परिवर्तन र दिलप्रसाद गुरुङ ‘दिलु’ र पूर्व यातायात व्यवसायी शंकरनाथ कोइरालाको संयुक्त लगानी छ। १० महिना लगाएर निर्माण गरिएको थियटरमा ८० लाख लगानी रहेको पोखरा थियटरका अध्यक्ष परिवर्तनले बताए।

१० वर्षको लागि जग्गा लिजमा लिएर थियटर निर्माण गरिएको भए पनि थियटर रहेसम्म आफूले जग्गा दिने थियटरका लगानीकर्ता तथा जग्गाधनी शंकरनाथ कोइरालाले बताए।

करिब २ रोपनी क्षेत्रफलमा बनेको यो हल बहुउद्देश्यीय प्रयोजनका लागि प्रयोग गर्न सकिने छ। २ सय सिट क्षमताको थियटर पूर्णतया साउण्ड प्रुफ छ। लाइट, साउण्ड सिस्टम हलमै जडान गरिएको छ। थियटर फागुनको पहिलो साताबाट सञ्चालनमा आउने छ। पहिलो नाटकका रुपमा पोखरा थियटरको पहिलो प्रस्तुतिका रुपमा नाटककार सरुभक्तको नाटक ‘सरुमा रानी’ मञ्चनबाट शुरु गर्ने तयारी छ। थियटर बनेसँगै नाटक मञ्चन वृद्धि हुने अपेक्षा गरिएको छ।

यसअघि थियटर नहुँदा पोखरा उद्योग वाणिज्य संघको सभाहल वा पोखरा सभागृहलाई प्रयोग गरिँदैआएको थियो। तर, त्यहाँ मञ्च निर्माणदेखि साउण्ड सिस्टम, लाइट जडान लगायत कार्य गर्नुपर्दा नाटक प्रदर्शनका लागि सास्ती बेहोर्नु पर्दथ्यो। पोखरा थियटरले नियमित नाटक मञ्चन गर्ने बताएको छ।

यसअघि वर्षमा १/२ वटा मात्र नाटक मञ्चन हुँदै आएको पोखरामा थियटर निर्माणसँगै नियमित नाटक मञ्चन गर्ने उदघोष भएको हो। ‘अब नियमित नाटक मञ्चन गछौर्ं’-अध्यक्ष परिवर्तनले भने-‘केही नाटक हामी गछौर्ं, केही पुराना रंगकर्मीले बनाएका मञ्चन गछौर्ं, केही काठमाडौंबाट आमन्त्रण गछौर्ं भने कहिलेकाहीं प्रदेश नम्बर ४ का जिल्लामा हुने नाटक पनि मञ्चन गर्ने अवसर दिन्छौं।’

Related News

सम्बन्धित समाचार

  • विद्यार्थीलाई पोसाक, सल्लाहकारलाई सम्मान

    आदर्श समाज सम्वाददाता जेठ १५, २०८०
    पोखरा । पोखरा महानगरपालिका ३२ लामेआहालस्थित राधाकृष्ण गुरुकुल संस्कृत विद्यालयका विद्यार्थीलाई पोसाक तथा सल्लाहकारहरूलाई सम्मान गरिएको छ । शुक्रबार विद्यालय…
  • फोहोर व्यवस्थापनसम्बन्धी अभिमुखीकरण

    आदर्श समाज सम्वाददाता जेठ १५, २०८०
    पोखरा । पोखरा १६ को समन्वय एवं आर्थिक सहयोगमा ग्रीन भ्याली बहुउद्देशीय सहकारीको आयोजनामा फोहोर व्यवस्थापनसम्बन्धी अभिमुखीकरण गरिएको छ ।…
  • लायन्स फेवा वेगनासमा टीका

    आदर्श समाज सम्वाददाता जेठ १५, २०८०
    पोखरा । लायन्स इन्टरनेसनल डिस्ट्रिक्ट ३२५ जे नेपाल अन्तर्गतको लायन्स क्लब अफ पोखरा फेवा वेगनास चौतारीको लायन वर्ष २०२३/२४ को…
  • एयरलायन्स फ्लाइटको एयरहोस्टेस प्रशिक्षण सुरु

    आदर्श समाज सम्वाददाता जेठ १५, २०८०
    पोखरा । पोखरामा राष्ट्रिय तथा अन्तर्राष्ट्रिय एयरहोस्टेस प्रशिक्षण सुरु भएको छ । पोखरा नयाँबजारमा रहेको एयरलायन्स फ्लाइट एटेन्डेन्ट एकेडेमीले एयरहोस्टेससहितको…
  • धिमे बाजा प्रशिक्षण

    आदर्श समाज सम्वाददाता जेठ १५, २०८०
    लेखनाथ । गण्डकी प्रज्ञा प्रतिष्ठानको आयोजना एवं शिशुवा नेवा खल: को सहकार्यमा पोखरा–३० शिशुवामा सञ्चालित धिमे बाजा बाजा प्रशिक्षण कार्यक्रम…

hero news full width