तीव्रेकोट सामुदायिक वन उपभोक्ता समूहको साधारणसभा

आदर्श समाज सम्वाददाता
माघ १४, २०७४
hemja tibrikot

हेमजा, १३ माघ । हेमजास्थित तीव्रेकोट सामुदायिक वन उपभोक्ता समूहको १५ औँ साधारण सभा हेमजामा शनिबारसम्पन्न भएको छ ।

साधारण सभा उद्घाटन गर्दे प्रमुख अतिथि जिल्ला वन कार्यालय कास्कीका वन अधिकृत केदार बरालले

समूहले गरेका कार्य विधिसम्मत र प्रभावकारी रहेको बताए ।

बरालले चालु आवमा नर्सरी निर्माण तथा व्यवस्थापन कार्यक्रमका लागि तीवे्रकोट सामुदायिक वनलाई छनोट गरिसकिएको र आगामी दिनमा कृषि आधुनिकीकरण कार्यक्रमअन्तर्गत जडिवुटी कार्यक्रमका लागि योजना पेस उपभोक्ता समितिलाई अनुरोध गरे ।माछापुच्छे्र विकास संघ कास्कीका उपनिर्देशक दिलबहादुर भट्टराईले तीव्रेकोट सामुदायिक वन उपभोक्ता समितिले महिला उत्थानका क्षेत्रमा गरेका कार्य अत्यन्तै महत्वपूर्ण रहेको बताए ।

यसअघि माछापुच्छे्र विकास संघ कास्कीले यस समूहलाई घुम्तीकोषका शौचालय निर्माणका लागि आर्थिक सहयोग, होटल कुक, व्युटिसियन तथा प्लम्विङसम्बन्धी ३ जना उपभोक्ता सदस्यका लागि १ महिने तालिम प्रदान गरेको छ ।

कार्यक्रममा इलाका वन कार्यलय पोखरा २५, हेमजाका वन अधिकृत प्रतीक्षा पनेरु, केयर नेपालका प्रतिनिधि रमा त्रिपाठी, गभेकुन सामुदायिक वन उपभोक्ता समूहका सहसचिव कृष्ण पौडेल, माछापुच्छ्रे टोल विकास संस्थाका अध्यक्ष डम्बरसिंह बस्नेत लगायतले शुभकामना मन्तव्य राखेका थिए ।

कार्यक्रममा उपभोक्ता सदस्य मनबहादुर बिकका छोरा मिलन तथा शिवराज कुँवरका छोरी स्वस्तिकालाई तीव्रेकोट छात्रावृत्ति प्रदान गरिएको थियो ।

कार्यक्रममा समूहका ज्येष्ठ नागरिक सदस्य भूपू सल्लाहकार सदस्य तथा उपभोक्ता सदस्य साविक हेमजा ९, निवासी ह.टेकबहादुर  कुँवरलाई सम्मान गरिएको थियो । ३ जना भाग्यमानी उपभोक्ता छनोटमा ३ जना सदस्यलाई पुरस्कृत गरियो।

कार्यक्रममा उपभोक्ता समिति सदस्य विशालजंग कुँवरले गत आवमा सम्पन्न विविध कार्यक्रम सहितको प्रगति विवरण तथा चालु आवको वाषिर्क कार्यक्रमसहितको प्रगति प्रतिवेदन पेस गरे ।

यस्तै, सचिव कृष्णबहादुर कुँवरले संस्थागत विकास र सुशासनसँग सम्बन्धित प्रतिवेदन तथा समूहका कोषाध्यक्ष गीतालक्ष्मी त्रिपाठीले लेखापरीक्षण प्रतिवेदन र आगामी आवको लागि ११ लाख हजार रुपैयाँको प्रस्तावित आयव्यय बजेट पेश गरे ।

तीव्रेकोट सामुदायिक वन उपभोक्ता समिति अध्यक्ष विशालजङ्ग कुँवरको अध्यक्षतामा सम्पन्न उक्त कार्यक्रममा स्वागत सहसचिव प्रेमबहादुर कुँवरले गरेका थिए । सञ्चालन सचिव कृष्णबहादुर कुँवरले गरेका थिए ।

Related News

सम्बन्धित समाचार

  • तीजगीत प्रतियोगिता हुने

    आदर्श समाज सम्वाददाता भाद्र २, २०७९
    हेमजा । हेमजास्थित सफल उद्यमशील महिला समूह आयोजनामा तीजगीत प्रतियोगिता हुने भएको छ । भदौ १४ र १५ गते हुने…
  • टान अध्यक्षमा नीलहरि बास्तोला

    आदर्श समाज सम्वाददाता भाद्र २, २०७९
    पोखरा । ट्रेकिङ एजेन्सिज एसोसिएसन अफ नेपाल (टान) अध्यक्षमा नीलहरि बास्तोला विजयी भएका छन् । टानको ४४ औं वार्षिक साधारणसभा…
  • ओटेफको स्थापना दिवसमा भोजन

    आदर्श समाज सम्वाददाता भाद्र २, २०७९
    पोखरा । महिला पर्यटन व्यवसायी मञ्च (ओटेफ) ले पाँचौ स्थापना दिवस अवसरमा ज्येष्ठ नागरिक र बटुकलाई खाना खुवाएर मनाएको छ…
  • इन्द्रराज्यलक्ष्मी माविको ६९ औं वार्षिकोत्सव

    आदर्श समाज सम्वाददाता भाद्र २, २०७९
    हेमजा । इन्द्रराज्यलक्ष्मी माध्यमिक विद्यालय, लामाचौरले ६९ औं वार्षिकोत्सव तथा अभिभावक दिवस बुधवार मनाएको छ । समारोह उद्घाटन गर्दै गण्डकी…
  • फुटपाथका सामग्री हटाउन माइकि

    आदर्श समाज सम्वाददाता भाद्र २, २०७९
    हेमजा । पोखरा महानगरपालिका २५ वडा कार्यालयको आयोजना तथा सामुदायिक सेवा केन्द्र एवं सामुदायिक प्रहरी सेवा हेमजा तथा लियो क्लब…

hero news full width