अर्मलाको बास्केटबल कोर्ट समुदायलाई

आदर्श समाज सम्वाददाता
माघ १०, २०७४

पोखरा, ९ माघ । पोखरा १६ को अर्मलकोटमा नवनिर्मित बास्केटबल कोर्ट समुदायलाई हस्तान्तरण गरिएको छ।

राष्ट्रिय खेलकुद परिषद् उपाध्यक्ष तथा नेपाल बास्केटबल संघका अध्यक्ष टेण्डी लामा शेर्पाको प्रमुख आतिथ्यमा उक्त कोर्ट समुदायलाई हस्तान्तरण गरिएको हो।

अर्मला कोर्टमा कोर्ट निर्माण गर्न अर्मला निवासी ब्रिटिश सेनाका सेवानिवृत डव्लुओवान जितबहादुर गुरुङको ठूलो देन छ।

२०७१ सालमा करिब ४ रोपनी जग्गामा फैलिएको उक्त बास्केटबल कोर्ट निर्माण गर्न जितबहादुरले ४ लाखमा जग्गा किनेर शुरु गरेका थिए। परापूर्वकालदेखि श्रीपंचमी मेला समेत लाग्ने गरेको उक्त गाँउमा मनोरञ्जन गर्ने स्थानका समेत नहुँदा जितबहादुरले गाँउका समाजसेवीसँग मिलेर यो कार्यको शुरु गरेको बास्केटबल संघका उपाध्यक्ष एवम अर्मला निवासी जुमप्रसाद गुरुङले बताए। जुम गुरुङका परिवारले पनि उक्त स्थानमा रहेको १९ आना जग्गा खेल मैदानका लागि दान गरेका छन्।

मैदान निर्माण गर्न अर्मला निवासी हाल युकेमा कार्यरतले अर्मला भाइखलक संस्थाका माध्यमबाट करिब ३६ लाख रुपैयाँ पठाएको जुम गुरुङले बताए। जितबहादुरले मात्रै करिब १७ लाख रुपैयाँ मैदान निर्माण प्यारापिट निर्माणका लागि खर्च गरेका छन्। उनले आफ्नो बुवा टंकप्रसादको स्मृतिमा करिब ५ लाख ५० हजार खर्चेर प्यारापिट समेत निर्माण गरिदिएका छन्।

गाउँका काजीखलक चेली बेटी समाजले पनि एक लाख प्रदान गरेका छन्।  जग्गासहित सम्पूर्ण खर्च ५३ लाख ५० हजार भएको बताइएको छ । कार्यक्रममा कोर्ट निर्माणमा सहयोग गर्ने दातालाई प्रमुख अतिथि शेर्पाले सम्मान गरे ।

बास्केटबल कोर्ट उपाध्यक्ष शेर्पा र डव्लुओवान जितबहादुर गुरुङकी ८९ वर्षीय आमा मुङ्गा गुरुङले संयुक्त उद्घाटन गरेका थिए। सीता आधारभूत विद्यालय अध्यक्ष भूपालसिंह गुरुङको अध्यक्षतामा भएको कार्यक्रममा नेपाल ओलोम्पिक कमिटी सदस्य तेज गुरुङ, वडाध्यक्ष जीवन आचार्य लगायत बोलेका थिए।

Related News

सम्बन्धित समाचार

  • स्टिमरमा बुद्धिचाल प्रतियोगिता !

    आदर्श समाज सम्वाददाता जेठ १२, २०८१
    स्याङ्जा । कालीगण्डकी गाउँपालिका–७ स्थित आँधीमुहानमा मोटरबोट (स्टिमर) मा शनिबारदेखि बुद्धिचाल प्रतियोगिता सुरु भएको छ । कालीगण्डकी गाउँपालिका र गण्डकी…
  • सेमेस्टरस्तरीय कप फुटसल

    आदर्श समाज सम्वाददाता जेठ ११, २०८१
    पोखरा । गण्डकी बहुप्राविधिक शिक्षालय आयोजनामा विभिन्न सेमेस्टरका विद्यार्थीको सेमेस्टरस्तरीय फुटसल प्रतियोगिता सम्पन्न भएको छ । पोखरा–२६ स्थित ब्ल्याक होल…
  • क्रिकेटमा टिम वाराहीको जित

    आदर्श समाज सम्वाददाता जेठ ११, २०८१
    पोखरा । यू–१९ वाईवाई कप कास्की जिल्ला पुरुष क्रिकेट छनोट प्रतियोगिता–२०८१ टिम वाराही विजेता बनेको छ । कास्की जिल्ला क्रिकेट संघ…
  • न्यायिक समिति उत्कृष्ट भएको दाबी

    आदर्श समाज सम्वाददाता जेठ ९, २०८१
    पोखरा । पोखरा महानगरपालिकाका मेयर धनराज आचार्यले न्याय निरुपणका हिसाबले पोखरा महानगरपालिकाको न्यायिक समिति उत्कृष्ट रहेको दाबी गरेका छन् ।…
  • फिस्टेल एसइई कपमा फिस्टेल र भद्रकाली च्याम्पियन

    आदर्श समाज सम्वाददाता जेठ ९, २०८१
    पोखरा । फिस्टेल एकेडेमी मावि, बिरौटाद्वारा आयोजित ‘फिस्टेल एसइई कप २०८१’ मा छात्रा बास्केटबलतर्फ फिस्टेल एकेडेमी र सेभेन ए साइड…

hero news full width

trending post

ट्रेन्डिङ्ग