फोटोग्राफी तालिम सम्पन्न

आदर्श समाज सम्वाददाता
माघ १०, २०७४

पोखरा, ८ माघ । पोखरा फोटोग्राफर संघको संयोजन तथा घरेलु तथा साना उद्योग कार्यालय पोखराको आयोजनामा एक सातासम्म सञ्चालित  विशेष फोटोग्राफी तालिम सम्पन्न भएको छ।

कार्यक्रममा नेपाल पर्यटन बोर्ड पोखराका प्रमुख सूर्य थपलियाले फोटोग्राफी तालिम आफैमा महत्वपूर्ण रहेको बताए। उनले तालिम अलावा पर्यटन प्रवद्धमा टेवा पुग्ने खालका क्रियाकलाप गर्न सके थप सहयोग गर्ने बताए।

‘सीप सिकौं आत्मनिर्भर बनौं’ भन्ने उद्देश्यका आयोजित तालिममा घरेलु तथा साना उद्योग कार्यालय कास्कीले प्रमुख भूमिका निर्वाह गरेको थियो।

पोखरामा फोटोग्राफी व्यवसाय सञ्चालन गर्दै आएका ३५ फोटोग्राफरले बिशेष र २० जनाले आधारभूत गरी कुल ५५ जना फोटोग्राफर तथा पत्रकारले तालिम लिएका हुन्।

घरेलु तथा साना उद्योग कार्यालयका नि प्रमुख मोहराज ढकालले सिक्ने भन्ने कुरा कहिल्यै पनि नसकिने भएको हँंुदा  तालिमले फोटोग्राफरको व्यावसायिकतामा अभिवृद्धि भएको बताए।

कार्यक्रममा प्रमुख प्रशिक्षक मधुसुदन थापा, पत्रकार महासंघ कास्की सदस्य कमल पौडेल अथक, कैलास सहकारी संस्थाका अध्यक्ष तथा पोखरा फोटोग्रफर संघका सल्लाहकार दुर्गाप्रसाद पौडेल, संस्थाका संरक्षक गणेश छवी, प्रशिक्षक तथा सल्लाहकार नवीनराज पौडेल, सल्लाहकार रशेस सापकोटा, प्रशिक्षाथीमध्ये सुशील पौडेल र विधा रेग्मी लगायत बोलेका थिए।

स्वागत मन्तव्य कार्यक्रम संयोजक जनकराज तिवारीले राखेका थिए भने  तालिमको उद्देश्यबारे पोखरा फोटोग्राफर संघका अध्यक्ष तुलसीराम सुवेदीले प्रष्ट्याएका थिए। उनले तालिमले पोखराका नयाँ तथा पुराना फोटोग्राफरलाई उर्जा दिएको बताए। घरेलु तथा साना उद्योग कार्यालयका निमित्त प्रमुख मोहराज ढकालको अध्यक्षतामा सञ्चालन भएको कार्यक्रममा संघ सचिव परशुराम शर्माले सञ्चालन गरेका थिए।

Related News

सम्बन्धित समाचार

  • वाइयुके सुपरमार्केट तीजगीत

    आदर्श समाज सम्वाददाता भाद्र ३, २०७९
    पोखरा । तीज अवसरमा नीति प्रेस मिडिया प्रालिले वाइयुके सुपरमार्केट प्रथम खुला तीज गीत प्रतियोगिता–२०७९ गर्ने भएको छ । फेवाताल…
  • राधाकृष्ण गुरुकुल विद्यालयको भवन उद्घाटन

    आदर्श समाज सम्वाददाता भाद्र ३, २०७९
    लेखनाथ । पोखरा ३२, लामेआहालस्थित राधाकृष्ण गुरुकुल संस्कृति विद्यालयको नवनिर्मित भवन उद्घाटन गरिएको छ । नवनिर्मित चारकोठे पक्की भवन पोखरा…
  • शिवटोल विकासमा नयाँ कार्यसमिति

    आदर्श समाज सम्वाददाता भाद्र ३, २०७९
    पोखरा । शिवटोल विकास संस्थाको १६ औं वार्षिक साधारणसभा तथा आठौं अधिवेशनले ध्रुवबहादुर श्रेष्ठको अध्यक्षतामा नयाँ कार्यसमिति चयन गरेको छ…
  • कास्की मोडनाइज्डमा अभिमुखीकरण

    आदर्श समाज सम्वाददाता भाद्र ३, २०७९
    पोखरा । पोखरा–१४ स्थित कास्की मोडनाइज्ड एकेडेमीले विद्यालय र कक्षा १२ का विद्यार्थीको संयुक्त व्यवस्थापनमा कक्षा ११ मा भर्ना भएका…
  • मिडिया फुटसल प्रतियोगिता हुने

    आदर्श समाज सम्वाददाता भाद्र ३, २०७९
    पोखरा । रेडियो सराङकोट पोखराले मिडिया फुटसल प्रतियोगिता आयोजना गर्ने भएको छ । रेडियोको १६ औं वार्षिकोत्सव अवसरमा आगामी असोज…

hero news full width