पोखरा, ७ माघ।पोखरा-११, रामचौतारी आमा समूहको अध्यक्षमा मुगादेवी बास्तोला चयन भएकी छन्।

समूहको सम्पन्न १९ औं साधारणसभा तथा १० औं अधिवेशनले बास्तोलाको अध्यक्षतामा १३ सदस्यीय नयाँ समिति गठन गरेको हो।

समूहको उपाध्यक्षमा शर्मिला बास्तोला, सचिव गंगा बास्तोला, सह-सचिव गोमा आचार्य र कोषाध्यक्ष कविता बास्तोला चयन भए ।

सदस्य हेमा बास्तोला, दीया बास्तोला, पार्वती बास्तोला, सीता बास्तोला, सावित्री बास्तोला, सोभित बास्तोला, मीरा मैनाली र शारदा अधिकारी छन्।

कार्यक्रममा कोषाध्यक्ष कविता बास्तोलाले आर्थिक प्रतिवेदन प्रस्तुत गरेकी थिइन्।

समूह अध्यक्ष सरस्वती भण्डारीको अध्यक्षतामा भएको कार्यक्रममा उपाध्यक्ष शर्मिला बास्तोलाले स्वागत मन्तव्य र सचिव गङ्गा बास्तोलाले सञ्चालन गरेका थिए।