पोखरा महोत्सवमा गायिका सम्मानित

आदर्श समाज सम्वाददाता
माघ ७, २०७४
maya gurung sammanit

पोखरा, ६ माघ। जारी आठौं पोखरा महोत्सवमा गायिका माया गुरुङ र उमा गुरुङलाई शनिबार सम्मान गरिएको छ।

चालीसको दशकमा चर्चामा आएको भए तापनि पछिल्लो समय गुमनाम जस्तै रहेका ती गायिकालाई युनाइटेड क्लबले महोत्सव स्थलमा सम्मान गरेको क्लब अध्यक्ष सुकबहादुर गुरुङले बताए।

सम्मान ग्रहणपछि गायिका माया गुरुङले पछिल्लो समय लोकसंस्कृतीमा विकृति बढेकाले निकै दुःख लागेको बताइन्। गुरुङले ‘गाउँ शहरमा लम्जुङ दरबार’ गीत आफ्नै वास्तविक जीवनको गीत भएकाले निकट भविष्यमा एकल साँझ गर्ने धोको रहेको र त्यसका लागि सबैले सहयोग गरिदिन समेत आग्रह गरिन्।

पोखरा महोत्सव अवसरमा लोक संस्कृतिको संस्कृतिको संरक्षणमा योगदान पुर्‍याएका ब्यक्तिलाई सम्मान गर्ने हरेक वषेको श्रृंखलामा यसपालि उनीहरुलाई सम्मान गर्न पाउँदा खुशी लागेको प्रचार प्रसार संयोजक राजु श्रेष्ठले बताए।

उनीहरुलाई क्लबका संस्थापक अध्यक्ष हिमालय बख्रेल, क्लब अध्यक्ष सुकबहादुर गुरुङ, प्रथम उपाध्यक्ष लालकाजी गुरुङ, द्वितीय उपाध्यक्ष लोकबहादुर थापा, महासचिव राजु श्रेष्ठ, सचिव शान्तबहादुर थापा, कोषाध्यक्ष गणेश तिमिल्सिना, गायिका कोमल वली लगायतले सामूहिक रुपमा सम्मान गर्दै सम्मानपत्र हस्तान्तरण गरेका थिए।

शनिबार नै गायिका वलीले पोइला जान पाम भन्ने गीत गाउँदा महोत्सवमा उपस्थित दर्शक झुमेर नाचेका थिए।  हास्य ब्यङ्ग्यतर्फ पुखे बा र लाइभ कर्न्र्सटमा भिटेनको प्रस्तुति रह्यो ।

आइतबार लोकदोहोरी गायिका राधिका हमाल र स्थानीय कलाकारद्वारा लोकदोहोरी प्रस्तुत गरिने छ भने साँझ लाइभब्याण्डमा द एक्स ब्याण्डको प्रस्तुति रहने छ। शनिबार महोत्सवको ४० हजार दर्शकले अवलोकन गरे भने १ करोड ५० लाख रुपैयाँ कारोबार भएको जनाइएको छ ।

Related News

सम्बन्धित समाचार

  • प्लास्टिकजन्य फोहोर घटाउन पोखरा १२ अग्रसर

    आदर्श समाज सम्वाददाता चैत्र १४, २०७९
    पोखरा । सेन्टर फर इनर्जी एन्ड इन्भाइरोमेन्ट नेपाल र पोखरा १२ वडा कार्यालयबीच फोहोर न्यूनीकरणका सहकार्य गर्नेबारे सम्झौता भएको छ ।…
  • पोखरा १२ ले बनायो आफ्नै एप

    आदर्श समाज सम्वाददाता चैत्र १४, २०७९
    पोखरा । पोखरा वडा १२ ले डिजिटल सेवा प्रवद्र्धन गर्ने उद्देश्यले मोबाइल एप संचालनमा ल्याएको छ । घरमा वा जहाँसुकै…
  • पोखरामा सामुदायिक थियटरको माग

    विजय नेपाल चैत्र १४, २०७९
    पोखरा । कलाकार जसु गुरुङ पोखरा झर्दा पहिले पहिले यहाँ नाटक हुन्थ्यो भन्ने मात्र सुनेकी थिइन् । गण्डकी प्रज्ञा प्रतिष्ठान…
  • प्रहरी कार्यालयको भवन शिलान्यास

    आदर्श समाज सम्वाददाता चैत्र १४, २०७९
    लेखनाथ । इलाका प्रहरी कार्यालय डाँडाको नाकमा ६ कोठे पक्की भवन सोमबार शिलान्यास गरिएको छ । भवनको पोखरा २६ का…
  • अमरसिंहको ६७ औं वार्षिकोत्सव

    आदर्श समाज सम्वाददाता चैत्र १४, २०७९
    पोखरा । अमरसिंह नमुना माविको ६७ औं वार्षिकोत्सव, अभिभावक दिवस तथा पुरस्कार वितरण समारोह सम्पन्न भयो । समारोह उद्घाटन गर्दै…

hero news full width