नेपाल र बंगलादेश उपाधिका लागि भिड्ने

आदर्श समाज सम्वाददाता
माघ ३, २०७४
7 aside

पोखरा, २ माघ । प्रभू बैंक १२ औं दक्षिण एसियाली सेभेन ए साइड फुटबल प्रतियोगिताको उपाधिको लागि घरेलु टिम नेपाल र बंगलादेश फाइनल भिड्ने भएका छन्।

लेकसाइडस्थित बाराहीघाटमा फुटबल खेल मैदानमा मंगलबार भएको पहिलो सेमिफाइनलमा नेपालले पाकिस्तानलाई र दोश्रो सेमिफाइनलमा बंगलादेशले भुटानलाई पराजित गर्दै उपाधि भिडन्त पक्का गरेका हुन् । फाइनल बिहीबार दिउँसो १ हुने प्रतियोगिता संयोजक तथा नेपाल सेभेन ए साइड फुटबल महासंघका अध्यक्ष नवीन पुनले जानकारी दिए ।

विजेताले उपाधिसहित २ लाख र उपविजेताले १ लाख साथमा ट्रफी मेडल प्रमाणपत्र प्राप्त गर्ने भएका छन्।

मंगलबारको पहिलो सेमिफाइनलमा नेपालले पाकिस्तानको चुनौतीलाई ४-१ गोलअन्तरले पन्छायो। अर्को खेलमा बंगलादेशले भुटानलाई र्टाईब्रेकरमा ३-२ को कठिन जित निकाल्दै फाइनल यात्रा तय गरेको हो।

नेपालको जितमा म्यान अफ दी म्याच घोषित विनोद गुरुङले हृयाटि्रक र सुनिल विकले १ गोल गरेका हुन्। गुरुङले खेलको १५, ४१ र ४३ औ मिनेटमा गोल गरी हृयाटि्रक पूरा गरे। पाकिस्तानको तर्फबाट खेलको १९ औं मिनेटमा रहनिल अरमानले गरेको सान्त्वना गोल गरे।

उता, बंगलादेश र भुटानबीचको खेलमा २५/२५ मिनेटको निर्धारित समयमा दुवैतर्फ गोल हुन नसकेपछि खेल निर्णायकको लागि टाइब्रेकरमा धकेलिएको थियो।

टाइब्रेकरमा भुटानका गहिमले प्रहार गरेको बल गोल हुन नसक्दा भुटानले सेमिफाइनलबाटै यात्रा टुंगाउनु पर्‍यो। टाइब्रेकरमा बंगलादेशका उज्ज्वल, सजित र तुइनले गोल गरे भने भुटानका राकेश र ताम्पाओले गोल गरे। खेलमा भुटानका गोलरक्षक प्रवेश म्यान अफ दी म्याच बने।

Related News

सम्बन्धित समाचार

  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…
  • पोखरामा पहिलो पल्ट मोटरसाइकल रेस, बाम्दीमा यसरी ओइरिए दर्शक

    विजय नेपाल चैत्र २६, २०८०
    पोखरा । पोखरा राइडर्स क्लब आयोजनामा पहिलोपल्ट भएको पोखरा मोटो–इन्डूरो क्रस च्याम्पियनसिप अभूतपूर्व सफलरुपमा सम्पन्न भएको छ । पोखरा २३,…
  • ‘सरकार र ओलम्पिकबीच तादाम्यता आवश्यक’

    आदर्श समाज सम्वाददाता चैत्र २३, २०८०
    पोखरा । नेपाल ओलम्पिक कमिटी (एनओसी) अध्यक्ष जीवनराम श्रेष्ठले खेलकुदको बहुआयामिक पक्षलाई सबैले आत्मसात गर्नुपर्ने बताएका छन् । ‘विकास र…

hero news full width

trending post

ट्रेन्डिङ्ग