पोखरा, २४ पुस । पोखराको रामेश्वरमार्ग समूहको आयोजना महिला अधिकार तथा कानुनसम्बन्धी सचेतनामूलक प्रशिक्षण कार्यक्रम भएको छ ।

कार्यक्रम उद्घाटन गर्दै प्रमुख अतिथि पोखरा १७ का वडा अध्यक्ष तीर्थराज अधिकारीले सचेतनामूलक तालिम टोलटोलमा राख्नुपर्नेमा जोड दिए । उनले महिला सशक्तिकरणका लागि यसप्रकारका सीपमूलक तालिम सञ्चालन गर्न वडा कार्यालयले सहयोग गर्ने प्रतिबद्धता व्यक्त गरे ।

कार्यक्रममा टोल सुधार समिति अध्यक्ष लिला पंगेनी, रामेश्वर कृषि सहकारीका अध्यक्ष लक्ष्मण पोख्रेल, कार्यक्रम संयोजक विजया अर्याल लगायत बोलेका थिए।

तालिममा महिला अधिकार, महिला हिंसा र कानुनी व्यवस्था लगायतका विषयमा पत्रकार महासंघका पूर्व केन्द्रीय सदस्य समेत रहेकी अधिवक्ता सुष्मा पौडेलले प्रशिक्षण दिएकी थिइन् ।

समूहका अध्यक्ष दुर्गा अधिकारीको अध्यक्षतामा सम्पन्न कार्यक्रममा स्वागत उपाध्यक्ष सरस्वती पोख्रेल  र सञ्चालन सचिव विजया अर्यालले गरेका थिए ।