काँग्रेस ५ वर्षकलागि प्रतिपक्ष : कोइराला

आदर्श समाज सम्वाददाता
पौष २३, २०७४
shekhar koirala

पोखरा, २२ पुस । नेपाली काँग्रेसका नेता डा शेखर कोइरालाले आउँदो ५ वर्षका लागि काँग्रेस प्रतिपक्षमा बस्नुपर्ने बताएका छन् । ५ वर्षसम्म कम्युनिष्टलाई सरकार चलाउन दिएर काँग्रेसले बाहिरबाट सघाउनुपर्ने उनको धारणा छ ।

पोखरामा शनिबार आयोजित नेपाली काँग्रेसको नीति, संरचना एवं रणनीति विषयक कार्यशाला गोष्ठीलाई सम्बोधन गर्दै उनले पुरानै सोचले पार्टीचल्न नसक्ने भन्दै रुपान्तरणको लागि गुटभन्दामाथि उठ्न कार्यकर्तालाई निर्देशन दिए ।

उनले तत्कालै केन्द्रिय समितिको बैठक बोलाएर महासमिति बैठकको मिति तोक्नुपर्ने बताएका छन् । ‘पार्टीनेतृत्वले छिट्टै केन्द्रिय समिति बैठक बोलाउनुपर्छ । बैठकमा निर्वाचनका परिणामबारे समीक्षा गर्दै आगामी कार्यनीति तयार गर्नुपर्छ’-उनले भने-‘अब पार्टीबचाउन गुटगत राजनीति छोडेर पार्टीर जनहितमा लागौं । फेरि पहिलो शक्ति बन्न सक्छौं ।’ पार्टीका वैचारिक खडेरी परेको भन्दै बौद्धिक समुदायले पार्टीका नेतालाई खबरदारी गर्नुपर्ने समय आएको उनको भनाइ छ ।

कार्यक्रममा सहभागी बौद्धिक समूदायले काँग्रेसको नीतिगत अस्पष्टता र शीर्षनेताको नेतृत्व क्षमता कमजोर भएकै कारण पार्टीे क्षति ब्यहोरेको बताए । उनीहरुले पार्टीकाई ‘मासबेस’ बाट ‘क्याडरबेस’ मा रूपान्तरण गर्नुपर्ने सुझाव दिए।

काँग्रेसले गरेका जनप्रिय र लोककल्याणकारी कार्यक्रमलाई पनि जनतासामु प्रचार गर्न नसकेको भन्दै सहभागीले पार्टीविधान र संस्थागत हिसाबले नचलेकोप्रति गुनासो पोखे ।

कार्यक्रममा काँग्रेस नेता देवराज चालिसेले काँग्रेसको नीति, संरचना एवं रणनीति विषयमा अवधारणापत्र प्रस्तुत गरेका थिए ।

गोष्ठीमा काँग्रेसको नीति, विधान, रणनीति, सांगठानिक संरचना लगायत विषयमा छलफल गरिएको थियो । सोही अवसरमा प्राज्ञ प्रभातको ५ औं अंक पनि सार्वजनिक गरियो ।

Related News

सम्बन्धित समाचार

  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…
  • पोखरा वडा १२ मा हस्तकला तालिम सुरु

    आदर्श समाज सम्वाददाता फागुन १५, २०८०
    पोखरा । पोखरा महानगरपालिका वडा नं. १२ को आयोजना तथा विधाता हस्तकला तथा प्राविधिक तालिम केन्द्रको सहकार्यमा महिलाहरूका लागि एक…
  • पोखराको भवन मापदण्ड : ५ तलामाथिका घरमा लिफ्ट अनिवार्य

    आदर्श समाज सम्वाददाता फागुन १५, २०८०
    पोखरा । पोखरा महानगरपालिकाले नयाँ मापदण्ड सार्वजनिक गरेको छ । २०३१ को भौतिक विकास योजना, २०५५ सालको एकीकृत कार्यमूलक योजना,…

hero news full width