पश्चिमाञ्चल र एपीएफलाई ह्याण्डबल उपाधि

आदर्श समाज सम्वाददाता
पौष २३, २०७४
hanbdball

पोखरा, २२ पुस।  राखेप च्याम्पियनसीपअन्तर्गत पोखरामा भएको नवौं महिला तथा १८ औं पुरुष ह्याण्डबल प्रतियोगितामा पुरुषतर्फ पश्चिमाञ्चल र महिलातर्फ सशस्त्र प्रहरी बल -एपीएफ) ले उपाधि जितेका छन्।

पोखरा रंगशालामा शनिबार पुरुषतर्फ फाइनलमा घरेलु टिम पश्चिमाञ्चलले नेपाल आर्मीलाई २९-२५ गोलअन्तरले पराजित गर्दै उपाधि तिजेको हो। उल्लेख्य दर्शकमाझ घरेलु टिम राष्ट्रिय खेलाडी विशाल बस्नेतको कप्तानिमा कोर्ट उत्रिएको थियो।

पश्चिमाञ्चलका हेमन्त थापा प्रतियोगितामा उत्कृष्ट खेलाडी घोषित भए। एपीएफले मध्यमाञ्चललाई ६३-२९ को फराकिलो गोलअन्तरले पराजित गरी तेश्रो स्थान प्राप्त गर्न सफल भयो। आर्मी अनुशासित टिम र एपिएफका दीपकसिंह बोहराले ४८ गोल गर्दै सर्वाधिक गोलकर्ताको उपाधि पाए।

उता, महिलातर्फ फाइनलमा एपिएफले नेपाल आर्मीलाई २४-१५ को गोलअन्तरले पराजित गर्दै उपाधि जित्न सफल भएको हो। तेस्रो स्थान पूर्वाञ्चलले हासिल गर्‍यो। उसले पश्चिमाञ्चललाई १८-१४ को अन्तरमा पराजित गरेको हो। खेलमा मध्यपश्चिमाञ्चल अनुशासित टीम घोषित हुँदा उत्कृष्ट खेलाडी एपिएफकी उमा राई र सर्वाधिक गोलकर्ता आर्मीकी शान्तिकला राई बनिन्।

पुरुष र महिलातर्फ विजेता, उपविजेता र तेस्रो टिमलाई क्रमशः ३०, २० र १० हजार साथमा ट्रफी, मेडल र प्रमाणपत्र पुरस्कार दिइएको छ। प्रतिनिधिसभा सदस्य रवीन्द्र अधिकारी, नेपाल ह्याण्डबल संघका अध्यक्ष एवं नेपाल ओलम्पिक कमिटी सदस्य तेज गुरुङ, संघका वरिष्ठ उपाध्यक्ष रामकृष्ण केसी, संघ कास्कीका अध्यक्ष क्या जगबहादुर गुरुङ लगायतले पुरस्कार वितरण गरे। प्रतियोगितामा ५ विकास क्षेत्रसहित दुर्इ विभागीय गरी पुरुष र महिलातर्फ ७ टोली सहभागी थिए।

कास्की जिल्ला ह्याण्डबल संघको आयोजना, नेपाल ह्याण्डबल संघको तत्वाधानमा भएको प्रतियोगितामा हङकङ व्युटी इन्स्टिच्युट प्रालिले मुख्य प्रायोजन गरेको थियो।

Related News

सम्बन्धित समाचार

  • मुवाथाइको समर क्याम्प

    आदर्श समाज सम्वाददाता जेठ १३, २०८०
    पोखरा । मुवाथाइ खेलको विद्यार्थी लक्षित विशेष प्रशिक्षण शिविर ‘समर क्याम्प’ शनिबार पोखरामा सम्पन्न भएको छ । पोखरा रंगशालाको बहुउद्देश्यीय…
  • पोखरा १४ लाई फुटबल उपाधि

    आदर्श समाज सम्वाददाता जेठ ११, २०८०
    पोखरा । पोखरा वडा १४ ले अन्तरवडास्तरीय फुटबल प्रतियोगिताको उपाधि जितेको छ । पोखरा रंगशालामा बिहीबार फाइनलमा वडा १५ लाई…
  • मुवाथाई सिकाइँदै

    आदर्श समाज सम्वाददाता जेठ १०, २०८०
    पोखरा । पोखरामा जारी मुवाथाईको समर क्याम्पमा सहभागीलाई मंगलबार मुवाथाईको सैद्धान्तिक पक्षबारे प्रशिक्षण दिइएको छ । थाइल्याण्डबाट सुरु मार्शल आर्ट…
  • प्रदेशस्तरीय एसइई फुटसल

    आदर्श समाज सम्वाददाता जेठ ८, २०८०
    पोखरा । स्टेप बाई स्टेप माध्यामिक विद्यालयले गण्डकी प्रदेशस्तरीय एसइई फुटसल प्रतियोगिता आयोजना गरेको छ । शनिबार प्रतियोगिता उद्घाटन गर्दै…
  • अरण्यज्योति र पेलिकन्स उपाधि नजिक

    आदर्श समाज सम्वाददाता जेठ ८, २०८०
    पोखरा । आयोजक अरण्यज्योति क्रिकेट क्लब र पेलिकन्स क्रिकेट क्लब लुम्बिनी विकास बैंक अरण्यज्योति कप–२०८० को फाइनल प्रवेश गरेका छन्…

hero news full width