युवालाई प्रस्तावना लेखन तालिम

आदर्श समाज सम्वाददाता
पौष २३, २०७४
hemja tranning photo

हेमजा, २२ पुस। युवा रेडक्रस सर्कल पोखरा-२५, हेमजाको आयोजनामा शनिबार प्रस्तावना लेखन तालिम सञ्चालन भएको छ।

प्रमुख अतिथि नेपाल रेडक्रस सोसाइटी हेमजा उपशाखाका सभापति कृष्णप्रसाद पौडेलले युवालाई आवश्यक पर्ने हरेक कार्यक्रम तथा तालिमको लागि विभिन्न निकाय समक्ष माग गरिने प्रस्तावनाको लागि तालिम फलदायी हुने विश्वास व्यक्त गरे।

तालिममा सहजीकरण गर्दै पत्रकार सुदीप त्रिपाठी प्रतीकले सिकेका ज्ञानलाई व्यवहारमा उर्तान अनुरोध गरे। उनले प्रस्तावनाका माध्यमबाट विभिन्न कार्यक्रम तथा तालिम विभिन्न निकायबाट माग गरी सञ्चालन गर्न सकिने पनि अवगत गराए।

प्रशिक्षार्थी प्रतिमा सापकोटाले तालिमले कार्यक्रमको योजना बनाउन सिकाएको र सोही अनुरुप सम्बन्धित निकाय समक्ष माग गर्न समेत सिकाएको कुरा औल्याइन्।

अर्का प्रशिक्षार्थी सागर कुँवरले विभिन्न संघसंस्थाबाट सञ्चालन हुने कार्यक्रम तथा तालिमको माग कसरी गर्नेबारे आफूले जानकारी लिएको बताए।

हेमजा युवा रेडक्रस सर्कलका अध्यक्ष सुनिल गायकले विभिन्न सरकारी तथा दातृनिकायका निर्धारित कार्यक्रम तथा योजना अभावमा बजेट फ्रिज हुने क्रमलाई रोक्न तालिमले सहयोग गरेको बताए।

युवा रेडक्रस सर्कलका अध्यक्ष गायकको अध्यक्षतामा सञ्चालित तालिमको सञ्चालन सर्कलकी कोषाध्यक्ष पुनम गिरीले गरेकी थिइन्।

तालिममा युवा रेडक्रस सर्कलका सदस्य लगायत अन्य विभिन्न संघसंस्थामा आवद्घ हेमजाका २० जना युवाको सहभागिता थियो।

Related News

सम्बन्धित समाचार

  • सन्तुलित भोजनबारे ताओ एसोसिएसनको सचेतना

    आदर्श समाज सम्वाददाता असाेज ११, २०७९
    पोखरा । ताओ एसोसिएसन अफ नेपाल गण्डकी प्रदेशले सोमबार पोखरामा मानव स्वास्थ्य र सन्तुलित खानपानसम्बन्धी सचेतनामूलक अन्तक्र्रिया गरेको छ । दसैं,…
  • पद्म नर्सिङ होम नदीपुरमा

    आदर्श समाज सम्वाददाता असाेज ११, २०७९
    पोखरा । पद्म नर्सिङ होम प्रालि सोमबारदेखि नदीपुरस्थित आफ्नै सुविधासम्पन्न भवनमा सरेको छ । पोखराकै सबैभन्दा पुरानो निजी अस्पताल पद्म…
  • श्रमिक सुरक्षाबारे चिन्ता

    आदर्श समाज सम्वाददाता असाेज ११, २०७९
    पोखरा । एशिया मानव अधिकार तथा सांस्कृतिक विकास मञ्च (एशियन फोरम) आयोजनामा टिम विल्डिङ कार्यशाला गोष्ठी भएको छ । दक्षिण…
  • बास नेपालको केन्द्रीय कार्यालय भवन शिलान्यास

    आदर्श समाज सम्वाददाता असाेज ११, २०७९
    नेपालगन्ज । बास नेपाल केन्द्रीय कार्यालय भवनको शिलान्यास गरिएको छ । नेपालगन्ज उपमहानगरपालिका वडा १८, भुजईगाँउमा स्थानीय जग्गादाता माधवराम बर्माले…
  • नेपाल निर्माण व्यवसायी संघको शुभकामना आदानप्रदान

    आदर्श समाज सम्वाददाता असाेज ११, २०७९
    पोखरा । नेपाल निर्माण व्यवसायी संघ कास्कीले दसैंतिहार, नेपाल संवत् ११४३ तथा छठ पर्व अवसरमा सोमबार शुभकामना आदानप्रदान कार्यक्रम गरेको…

hero news full width