पोखरा महोत्सवलाई संघसंस्थाको साथ

आदर्श समाज सम्वाददाता
पौष २०, २०७४

पोखरा, १९ पुस। युनाइटेड क्लबको आयोजनामा यही पुस २७ देखि माघ ८ गतेसम्म अमरसिंहचौरमा हुने आठांै संस्करणको पोखरा महोत्सव भव्य र सभ्य बनाउन पोखराका विभिन्न संघसंस्थाले सहयोग गर्ने भएका छन्।

क्लबले बुधबार आयोजना गरेको छलफल तथा अन्तक्रिर्यामा पोखरा उपत्यकाभित्र रहेका विभिन्न संघ संस्थाको सहभागिता थियो।

कार्यक्रममा टोल विकास संस्था टोल नगर समन्वय समितिका प्रथम उपाध्यक्ष उत्तम जोशीले क्लबले समाजमा छुट्टै सामाजिक छाप छोड्न सफल भएको बताउँदै सहयोग गर्नु आफूहरुको मुख्य दायित्व रहेको बताए।

टोल विकास संस्था नगर महिला समन्वय समितिकी अध्यक्ष पवित्रादेवी गुरुङले महोत्सवलाई पोखरा महानगरभित्र रहेका महिला समिति तथा टोल विकास समितिले सक्दो सहयोग गर्न तयार रहेको बताइन्।

क्लब संस्थापक अध्यक्ष एवं पोखरा अन्तर्राष्ट्रिय चिडियाखाना निर्माण समितिका संयोजक हिमालय बख्रेलले क्लबले स्थापनाकालदेखि नै पोखरामा शिक्षा, स्वास्थ्य, खेलकुद, पर्यटन र पोखरामा नयाँ पर्यटकीय गन्तव्य चिडियाखाना निर्माणका लागि आवाज उठाउँदै आएको बताए।

क्लब अध्यक्ष सुकबहादुर गुरुङले महोत्सव समग्र पोखराको महोत्सव भएको बताउँदै सामाजिक अभियानमा सहभागी हुन सबैको सहयोग आवश्यक रहेको बताए।

महोत्सव संघ संस्था समन्वय उपसमिति संयोजक सम्मरबहादुर श्रेष्ठको अध्यक्षतामा भएको कार्यक्रममा टोल विकास संस्था टोल समन्वय समिति वडा १ का अध्यक्ष चन्द्रबहादुर गुरुङ, टोल विकास संस्था टोल समन्वय समिति वडा १७ की अध्यक्ष गीता सुवेदी, पोखरा १० का कार्यवाहक अध्यक्ष प्रतिभा विक पोख्रेल, पोखरा १५ का सदस्य पार्वती कार्की लगायत बोलेका थिए।

क्लबका प्रथम उपाध्यक्ष तथा पोखरा महोत्सव कलाकार व्यवस्थापन उपसमिति संयोजक लालकाजी गुरुङले स्वागत मन्तव्य राखेको कार्यक्रममा प्रचार संयोजक राजु श्रेष्ठले सञ्चालन गरेका थिए।

Related News

सम्बन्धित समाचार

  • पोखरा रोयल सहकारीको २३औं स्थापना दिवस

    आदर्श समाज सम्वाददाता जेठ ८, २०८१
    पोखरा । पोखरा रोयल बचत तथा ऋण सहकारी संस्थाले आज २३औं स्थापना दिवस मनाउँदैछ । सहकारी स्थापना दिवसको अवसरमा सहकारीले…
  • गुहेश्वरी मर्चेन्टको वित्तीय साक्षरता

    आदर्श समाज सम्वाददाता जेठ ७, २०८१
    काठमाडौं । गुहेश्वरी मर्चेन्ट बैंकिङ एन्ड फाइनान्सले ललितपुर जिल्लाको ललितपुर मनपा १३ मा अवस्थित सामुदायिक विद्यालय महेन्द्र भृकुटी माध्यमिक विद्यालयमा…
  • भरतपुरमा सुजुकी मोटर्सको शोरुम

    आदर्श समाज सम्वाददाता जेठ ७, २०८१
    चितवन । सुजुकी ब्रान्डको ४ पांग्रे सवारी साधनको चितवनका लागि आधिकारिक बिक्रेता साध्वी इन्टरनेसनल प्रालि उद्घाटन गरिएको छ । भरतपुर…
  • पोखरा आइडिया मार्ट सुरु, १९ समूह छनोट

    आदर्श समाज सम्वाददाता जेठ ७, २०८१
    पोखरा । व्यवसाय प्रवद्र्धन केन्द्र पोखरा महानगरपालिकाको आयोजना एवं नेपाली युवा उद्यमी मञ्चको सहकार्यमा पोखरा आइडिया मार्ट तथा बुट क्याम्प…
  • पोउवा संघमा इलामका व्यवसायी

    आदर्श समाज सम्वाददाता जेठ ६, २०८१
    पोखरा । पोखरा र इलाम उद्योग वाणिज्य संघबीच व्यवसाय प्रवद्र्धन र उत्पादित वस्तुहरूको बजारीकरणका निम्ति सहकार्य गर्ने सहमति जुटेको छ…

hero news full width