चितवन। भरतपुर महानगरपालिकाले कृषि समूहलाई अनुदानमा कृषि उपकरण वितरण गरेको छ । महानगरपालिकाले आर्थिक वर्ष २०८०÷८१ को बजेटबाट विभिन्न ६६ वटा कृषि समूह, कृषि फर्म तथा सहकारीलाई मंगलबार कृषि उपकरण वितरण गरेको हो ।
भरतपुरमा व्यावसायिक रुपमा कृषि गरिने क्षेत्र भरतपुरका वडा ६, ७, ८, ९ तथा १३ देखि २८ सम्मका कृषि समूह, फर्म तथा सहकारीलाई ६६ थान कृषि उपकरण वितरण गरिएको हो । महानगरपालिका प्रमुख रेनु दाहाल, उपप्रमुख चित्रसेन अधिकारी तथा प्रमुख प्रशासकीय अधिकृत लक्ष्मीप्रसाद पौडेलले कृषक समूहका प्रतिनिधिलाई कृषि उपकरणका चाबी हस्तान्तरण गरे । महानरपालिकाले ५० प्रतिशत अनुदानमा कुल २ करोडको कृषि उपकरण वितरण गरेकोे कृषि महाशाखा प्रमुख तेजेन्द्र पौडेलले बताए ।
महानगरले कृषकलाई ट्रयाक्टर ४ थान, हातेट्रयाक्टर ६ थान, धान तथा गहुँ काट्ने रिपर १२ थान, थ्रेसर ३ थान, रोटाभेटर २ थान, मकै छोडाउने कर्न सेलर १७ थान, तोरी मिल ३ थान हस्तान्तरण गरेको पौडेलको भनाइ छ । यस्तै, मकै रोप्ने मेज प्लान्टर ३ थान, घाँस टुक्राउने च्यापा कटर १२ थान, राइस मिल १ थान, मिल्क एनालाइजर ६ थान, चिलिङ भ्याट २ थान, माछाको दान बनाउने मिसिन १ थान, बलेरो पिकअप २ थान र तीनपाङ्ग्रे अटो २ थान हस्तान्तरण गरिएको पौडेलले बताए । कृषिमा यान्त्रिकीकरण गर्ने र उत्पादनमा लागत घटाएर उत्पादन वृद्धि गर्ने उद्देश्यले महानगरपालिकाको करिब १ करोड अनुदानमा कृषि सामग्री वितरण गरिएको उनको भनाइ छ ।
महानगर प्रमुख दाहालले भरतपुर महानगरले कृषि उत्पादनलाई जोड दिएकाले वर्षेनी कृषि सम्बन्धी यन्त्र उपकरण हस्तान्तरण गर्दै आएको बताइन् । महानगरपालिकाले यसअघि कृषिमा आधुनिकीकरणलाई जोड दिने भन्दै आए पनि अहिले भने कार्यान्वयन गरेर अघि बढ्न थालिएको प्रमुख दाहालले बताए । यन्त्र उपकरणको उच्चतम् प्रयोग गरी उत्पादनलाई वृद्धि गर्दै भरतपुरलाई कृषिमा आत्मनिर्भर बनाउने गरी नीति तथा कार्यक्रमहरु अघि बढाइएको उनले बताइन् ।
नारायणी लिफ्ट सिँचाइलाई बाह्रै महिना सञ्चालन गरी कृषि योग्य भूमिमा ३ बाली खेती गर्न मिल्ने व्यवस्था मिलाउन लागेको उनको भनाइ थियो ।
Related News
सम्बन्धित समाचार
जेठोबुढो जोगाउँदै पोखरा महानगर
विदेश छोडेर कागती खेती
चालीस रोपनी जग्गामा सयपत्री फूलखेती
पानीले धान भिज्यो, उत्पादन घट्ने
बोटमा लटरम्म सुन्तला, रोग लागेपछि किसान चिन्तित
hero news full width
मुख्य समाचार
रविलाई फेरि अदालत उपस्थित गराइँदै
को होला मिस पोखरा ?
कार्तिक ७, २०८१नेसपाले नाम फेर्ने, महाधिवेशन माघमा
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१