मणिपाल कर छुट प्रकरणमा कांग्रेसको चासो, महानगरपालिकाको ध्यानाकर्षण

आदर्श समाज सम्वाददाता
असार २६, २०८१
NC Kaski Photo

पोखरा । पोखरा महानगरपालिकाले मणिपाल शिक्षण अस्पताललाई कर छुट गरिदिएको विषयमा नेपाली कांग्रेस कास्की र पोखरा महानगर समितिले पोखरा महानगरपालिकाको ध्यानाकर्षण गरेको छ ।

कार्यपालिका बैठकले निर्णय गरी कर छुट दिएको भन्दै त्यो विषयमा छिटो सत्यतथ्य सार्वजनिक गर्न दुवै समितिको संयुक्त टोलीले मंगलबार पोखरा महानगरपालिकाका मेयर धनराज आचार्यलाई ध्यानाकर्षण पत्र बुझाएको हो । पटक पटक ध्यानाकर्षण स्मरण गराउँदै पुनः सत्यतथ्य सार्वजनिक गर्नका लागि टोली महानगर पुगेको नेपाली कांग्रेस कास्कीका सचिव देवेन्द्र भाटले जानकारी दिए ।

ध्यानाकर्षण पत्रमा लेखिएको छ, ‘२१ करोड ५७ लाख ११ हजार ७ सय ९८ रुपैया ७० पैसा बेरुजु असूलउपर गरी सम्पन्न प्रमाण पत्र दिनु पर्नेमा, छानबिन समितिको गठन, छुट दिने निणर्यको बदरले सत्य तथ्य लुकाउन खोजीएको त होइन ?’ अक्तियार दुरुपयोग अनुसन्धान आयोगले यस विवाद सम्बन्धी कागजात नियन्त्रण लिइसकेको अवस्थामा यथाशीघ्र चाडो सत्य तथ्य सार्वजनिक गर्न माग गरिएको छ ।

महालेखा परीक्षकको २०७६/०७७ को अन्तिम प्रतिवेदनले मणिपाल शिक्षण अस्पतालले बनाएका भवनहरूको नक्सापास वापत जरिवानासहित २१ करोड ५७ लाख ११ हजार ७ सय ९८ रूपैयाँ राजस्व असुल गर्न भनेको थियो ।

महालेखा परीक्षकको प्रतिवेदनले असुल गर्न भनेको राजस्वमा महानगरपालिकाको २०७९ चैत १० गते बसेको १६ औं बैठकले भारी छुट दिने निर्णय गरेको हो । उक्त बैठकको निर्णयले मणिपालसँग १ करोड ७५ लाख ५३ हजार रुपैयाँ राजस्व लिएर नक्सा पास दिएको छ । उक्त निर्णयले मणिपाललाई नक्सापास एवं भवन निर्माण सम्पन्न प्रमाणपत्र वापत १९ करोड ८१ लाख ११ हजार रूपैयाँ छुट दिएको हो ।

आफूले भनेअनुसार राजस्व असुल नगरी कर छुट दिएको महानगरलाई यसपालि फेरि महालेखाले अर्को निर्देशन दिएको हो । महालेखा परीक्षकको कार्यालयले हालसालै प्रकाशित गरेको २०७९/०८० को प्रतिवेदनले मणिपाल अस्पताललाई नियमअनुसार लाग्ने राजस्व छुट दिन नमिल्ने भन्दै असुल गर्न निर्देशन दिएको हो । मलेपको निर्देशनले मणिपाल छुट प्रकरणमा धेरैले चासो दिइरहेका छन् । उता पोखरा महानगरपालिको कदम र महालेखा परीक्षकको प्रतिवेदन बदनियतपूर्ण भएको भन्दै मणिपालले सर्वोच्च अदालतमा मुद्दा दायर गरेको छ ।

Related News

सम्बन्धित समाचार

  • प्रकाशले गरे जन्मदिनमा कारागारमा सहयोग

    आदर्श समाज सम्वाददाता श्रावण ८, २०८१
    पोखरा । जन्मदिनमा हुने फजुल खर्च स्याङ्जा घर भइ हाल पोखरा निवासी एक युवाले सिर्जनशील काममा लगाउने गरेका छन्। स्याङ्जा…
  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • बागमतीको मुख्यमन्त्रीमा लामा नियुक्त

    आदर्श समाज सम्वाददाता श्रावण ८, २०८१
    पोखरा । बागमती प्रदेशको मुख्यमन्त्रीमा बहादुरसिंह लामा नियुक्त भएका छन् । नुवाकोटका लामा प्रदेशको पाँचौं मुख्यमन्त्री हुन् । प्रदेश प्रमुख…

hero news full width