पोखरा । नेपाल खानेपानी संस्थानका निमित्त महाप्रबन्धक त्रिदीपकुमार श्रेष्ठले नेपाल सरकारले खारेजीको प्रक्रियामा लगेको संस्थानलाई रोक्न सफल भएको बताएका छन् । नेपाल खानेपानी संस्थान तालिम शाखाद्वारा आयोजित ४ दिने पानी परीक्षण तालिमको समापन गर्दै महाप्रबन्धक श्रेष्ठले कर्मचारी सेवा शर्त विनियमावली साउन मसान्तसम्ममा ल्याउने ठोकुवा गरे ।
तालिम शाखा प्रमुख निरण महर्जनको अध्यक्षतामा भएको तालिममा खानेपानी मन्त्रालयका सहसचिव राजाराम दाहालले मर्न लागेको संस्थानलाई ब्युँताइएको प्रसंग कोट्याउँदै विनियमावली आउनेमा ढुक्क हुन आग्रह गरे ।
तालिम समापनसँगै सुरक्षित खानेपानी वितरण, अनिवार्य परीक्षण, जोखिमको न्यूनीकरण, दैनिक, मासिक र वार्षिकरुपमा परीक्षण गरिनुपर्ने विधिलाई प्रयोगात्मक तथा फिल्ड भिजिटको माध्यमबाट ज्ञान प्रदान गरिएको थियो ।
नेपाल खानेपानी संस्थान संस्थागत सेवा महाशाखा प्रमुख कमल थापाले रचनात्मक तालिमले कर्मचारीको क्षमता वृद्धि विकास भएको बताए ।
खानेपानी संस्थानको आयोजनामा भक्तपुर नगरकोटमा आवासीय सुविधासहितको राष्ट्रिय खानेपानी तथा सरसफाइ प्रशिक्षण केन्द्रको सभाहलमा गत १७ गतेदेखि सुरु भएको तालिममा संस्थानका विभिन्न २२ वटा शाखाबाट पानी गुणस्तर परीक्षणमा हुनु पर्ने नीति, नियम, ऐन, कानुन तथा मापदण्डलगायत विषयमा चर्चा भएको थियो । तालिममा खानेपानी गुणस्तर सुधार तथा सेवा नियमन शाखाका शाखा प्रमुख ई. पूर्णप्रसाद उपाध्याय, वासका निरव वैद्यलगायतले आधुनिकतामा पानीको गुणस्तरलाई हेर्नुपर्ने विधि र पद्धतिबारे प्रशिक्षण दिएका थिए ।
तालिमलाई थप व्यवस्थित, गुणस्तर र प्रभावकारी बनाउन खानेपानी संस्थानका ई. निरण मर्हजन, सिनियर केमिस्ट अनुराधा ज्ञवाली, केमिष्ट दीपकनाथ योगी, वाटर क्वालिटी एसोसिएटका सुशील बन्जाडेलगायतले तालिममा सहजीकरण गरेको सहायक प्रशासन अधिकृत दीपेश्वर मण्डलले जानकारी दिएका थिए । तालिममा सहभागी प्रशिक्षार्थीलाई सुन्दरीजल पानी परीक्षण केन्द्र र केयुकेलअन्तर्गतको महांकालचौर पानी ल्याबमा फिल्ड भिजिट गराइएको थियो ।
कर्मचारी केदार धमलाको सञ्चालनमा भएको समापन कार्यक्रममा प्रशिक्षार्थीलाई प्रमाणपत्र वितरण गरिएको थियो ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१