पोखरा । सिर्जना विकास केन्द्रले संस्थामा आबद्ध आजीवन तथा साधारण सदस्यको लागि संस्थागत सबलीकरण कार्यक्रम गरेको छ । केन्द्रका अध्यक्ष विष्णुप्रसाद बरालले संस्थाको स्थापना कालदेखि हालसम्म भए गरेका गतिविधिको संक्षिप्त जानकारी गराउँदै संस्थाले भविष्यमा लिनुपर्ने रणनीतिबारे प्रस्तुति राखे ।

संस्थाका संस्थापक अध्यक्ष एवं सल्लाहकार सभाका सभापति डम्बरबहादुर केसीले संस्थाको विधान, आर्थिक प्रशासन नियमावली, कर्मचारी नियमावली, संस्थाका विद्यमान कार्यविधिबारे चर्चा गरे ।

कार्यक्रमका स्रोतव्यक्ति विकल शेरचनले संस्थामा आबद्ध सदस्यहरूको नेतृत्व व्यक्तित्व विकासका लागि आवश्यक तŒवहरूबारे प्रस्तुति राख्दै संस्थाले अगाडि सारेका लक्ष्य उद्देश्यहरू स्पष्ट हुनुपर्नेमा जोड दिए । कार्यक्रममा पूर्वअध्यक्ष एवं सल्लाहकार गणेशबहादुर अधिकारी र हरिप्रसाद बरालले विगतको अनुभव सुनाएका थिए भने कार्यक्रम संयोजक वीरबहादुर अधिकारीले कार्यक्रमको उद्देश्यमाथि प्रकाश पारे ।

केन्द्रका अध्यक्ष विष्णुप्रसाद बरालको अध्यक्षतामा भएको कार्यक्रममा प्रथम उपाध्यक्ष शान्ति शर्माले स्वागत र महासचिव चन्द्र गिरीले सञ्चालन गरेका थिए ।