रोटरी क्लब लेकसाइडको नवौं पदस्थापना

आदर्श समाज सम्वाददाता
असार २४, २०८१
rotary lakeside

पोखरा । रोटरी क्लब अफ पोखरा लेकसाइडको नवौं पदस्थापन समारोहमा वर्ष–२०२४/२५ अध्यक्ष उपेन्द्र अधिकारीले पदभार ग्रहण गरेका छन् । रोटरी इन्टरनेसनल डिस्ट्रिक्ट ३२९२ नेपाल भुटान वर्ष–२०२४/२५ का गभर्नर इलेक्ट विनोद कोइरालाले अधिकारी नेतृत्वको टिमको पदस्थापना गराएका हुन् ।

समारोहमा गभर्नर इलेक्ट कोइरालाले रोटरीले वातावरण, शिक्षा, खानेपानी, स्वास्थ्य लगायत क्षेत्रमा रोटरीले काम गर्दै आएको बताए । रोटरी लेकसाइडका सल्लाहकारसमेत रहेका उनले क्लबको स्थापनादेखि नै विभिन्न सर्भिस प्रोजेक्टमा नजिक रहेको उल्लेख गर्दै क्लबले यस वर्ष प्रशंसनीय कार्य गरेकोमा धन्यवाद दिए । उनले कास्की लगायत क्षेत्रको ग्रामीण भेगमा बाँदर समस्या समाधानमा ध्यान दिनुपर्ने उल्लेख गरे ।

कार्यक्रममा रोटरीका पूर्व गभर्नर किरणलाल श्रेष्ठले समाजलाई कसरी परिवर्तन गर्न सकिन्छ भन्नेबारेमा सोच्नुपर्ने बताए । असिस्टेन्ट गभर्नर गीता सिग्देलले रोटरी सामाजिक कार्यमा क्रियाशील रहेको अन्तर्राष्ट्रिय संस्था रहेको बताइन् ।

क्लबका चार्टर प्रेसिडेन्ट सुन्दरकुमार श्रेष्ठले क्लबको स्थापनाकालको स्मरण गर्दै रोटरीलाई जीवन्तता दिनुपर्ने बताए । उनले अब बन्ने गभर्नर विनोद कोइराला पोखरेली रहेको र उनी डायनामिक व्यक्तित्व भन्दै खुसी व्यक्त गरे ।

क्लबका आइपिपि शोभाकान्त सिग्देलले एकवर्षे कार्यकालमा भएका गतिविधि प्रस्तुत गर्दै सहयोगी सम्पूर्णलाई धन्यवाद दिए ।

प्रमुख अतिथि कोइरालाको परिचय दिँदै क्लब पूर्व अध्यक्ष जयराम पौडेलले रोटरी फिस्टेलमा चार्टर सेक्रेटरी हुँदै हाल अहिले यो पदमा पुग्न सफल भएको जानकारी दिए ।

वर्ष २०२४/२५ का अध्यक्ष अधिकारीले आफ्नो कार्यकालका लागि क्लब अफ एक्सन प्रस्तुत गरे । सो अवसरमा क्लबले प्रकाशन गरेको स्मारिका ‘द फेवा’ विमोचन भयो ।

यसैबीच, बाबा फाउन्डेसनसँग पोखरा क्षेत्रको साक्षरता, खानेपानी, सरसफाइ र वातावरण अभियानमा सहकार्यका लागि ७ बुँदे सहमति भएको छ । सहमतिपत्रमा क्लब अध्यक्ष अधिकारी र फाउण्डेसनतर्फबाट दिलीपराज श्रेष्ठले हस्ताक्षर गरेका छन् । सो अवसरमा क्लबका चार्टर मेम्बर पत्रकार विजय नेपाललाई मायाको चिनोसहित सम्मान गरियो ।

कार्यक्रममा स्वागत उपाध्यक्ष टोपबहादुर थापा र सञ्चालन सचिव सुभाष मल्लले गरेका थिए । धन्यवाद ज्ञापन प्रेसिडेन्ट इलेक्ट राजेन्द्र लिगलले गरे । सन् २०१७ जनवरी ५ मा ५० जना सदस्य मिलेर क्लबको स्थापना भएको हो ।

Related News

सम्बन्धित समाचार

  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • चिल्ड्रेन पार्कमा कांग्रेसको वृक्षरोपण

    आदर्श समाज सम्वाददाता श्रावण ७, २०८१
    पोखरा । पोखरा महानगरपालिका वडा नं. ५ प्रस्याङस्थित चिल्ड्रेन पार्क (शिवालय पार्क) मा वृक्षरोपण गरिएको छ । नेपाली कांग्रेस वडा…

hero news full width