पोखरा । चलचित्र पत्रकार संघ नेपाल कास्कीले २१ औं स्थापना दिवस मनाएको छ । २०६० असार २२ मा श्रीराम सिग्देलको अध्यक्षतामा पोखरामा संघको शाखा स्थापना भएको हो ।
दिवस अवसरमा शनिबार शुभकामना आदानप्रदानसँगै चलचित्र पत्रकारिताको अवस्था र आगामी स्वरुपबारे चर्चा भयो ।
संस्थापक अध्यक्ष सिग्देलले संघको गतिविधि प्रशंसनीय रहेको उल्लेख गरे । संघ स्थापना बेला पोखरामा चलचित्र पत्रकारिता नगण्य हुने गरेको स्मरण गर्दै उनले हाल आएर यसले बिस्तार रुप लिँदै आएको बताए । पोखराबाट प्रकाशित हुने पत्रपत्रिकामा मनोरञ्जन बिटलाई स्थान नदिनुु दुखद भएको उनको गुनासो छ ।
निवर्तमान अध्यक्ष अरुण गिरीले अन्य बिटमा लेख्ने पत्रकारले चलचित्रमा पनि कलम चलाउनुपर्ने आवश्यकता औंल्याए । सिनेमा मार्फत विभिन्न मुद्दा उठान हुुने भएकाले विषयगत रिर्पोटिङ सिनेमामार्फत पनि गर्न सकिने भनाइ उनको छ ।
सल्लाहकार सुरेश रानाभाटले संस्था आफ्नो आयतन बढाउँदै लैजानुपर्ने बताए । संघले अहिलेसम्म गरेका काम उदाहरणीय रहेको र अब दस्तावेजलाई पनि ख्याल गर्नुपर्ने अवस्था आएको उनले उल्लेख गरे । पोखराको प्राकृतिक सौन्दर्यता र पर्यटन जाेडेर सिनेमा माध्यम प्रचारप्रसार गर्न सकिने भनाइ उनको छ ।
संघ अध्यक्ष प्रभू अधिकारीले कास्कीको चलचित्र पत्रकारिता बढावा दिँदै जाने उल्लेख गरे । सबैका सुझाव आत्मसात गर्दै संघको आगामी कार्यक्रम तय हुने उनले बताए ।
कार्यक्रममा संघका संस्थापक सदस्य विष्णुु सापकोटा, सागरराज तिमिल्सिना, विभु भुसाल, पूर्व सहसचिव विजय नेपाल, नेपाल प्रेस युनियन कास्की सचिव धनबहादुर गुरुङ (सुमन) ले शुुभकामना मन्तव्य राखेका थिए । उपाध्यक्ष अर्पण तिवारीले स्वागत गरेको कार्यक्रमको सञ्चालन सचिव सन्तोष बस्यालले गरेका थिए ।
सो अवसरमा संघले क्युुएफएक्स र मिडटाउन सिनेमा हलमा स्थापना गरेको रिभ्यूू बक्स खोलिएको छ । फिल्म हेरेपछि संकलित दर्शक प्रतिक्रिया लक्की ड्रमार्फत सार्वजनिक गरिएको हो । जसमा दुवैतर्फ गरी प्रथम, दोस्रो, तेस्रो र सान्त्वना घोषित भए ।
विजेतालाई सिनेमा हलतर्फबाट टिकट र पपकन, दमदार बिरायनी, क्लाउड नाइन रेष्टुरेण्टबाट खाजा र बन्जी नेपालको तर्फबाट बन्जीको व्यवस्था मिलाइएको संघले जनाएको छ ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१