नाम चलेका ३ स्कुलकै ‘इन्ट्रान्स टपर’

विजय नेपाल
असार २३, २०८१
arij pokhrel

पोखरा । पोखराका एक विद्यार्थी कक्षा ११ (विज्ञान) संकायको प्रवेश परीक्षामा ३ स्कुलमै उत्कृष्ट ठहरिएका छन् । हालै प्रकाशित एसइई–०८० नतिजामा पोखरा ८, नागढुंगाको न्यू मोडल माविबाट ३.९१ जिपिए हासिल गरेका एरिज पोखरेलले पोखराका नाम चलेका मदरल्याण्ड, एसओएस र प्रतिभा माविको परीक्षामा १ नम्बरमै नाम निकालेर सबैलाई आश्चर्यचकित पारेका हुन् ।

रोचक त के भने एसइईमा सर्वोत्कृष्ट जिपिए ४.० ल्याएकासहित कैयौं अब्बल विद्यार्थीबीच प्रतिस्पर्धामा खरो उत्रिएका उनले शुक्रबार एकै दिन ती परीक्षा दिएका हुन् ।

मदरल्याण्ड, एसओएस, प्रतिभा माविसहित धेरै विद्यालयको प्रवेश परीक्षा केही घण्टा फरकमा थियो । एरिजका बाबुले सबैमा फर्म भरिदिएका थिए । सबैभन्दा पहिले ७ः०० बजे एसओएसमा १०० पूर्णांकको (निर्धारित २ घण्टा) जाँच दिएपछि दिउँसो १२ः३० बजे बाबुसँगै मासबारस्थित मदरल्याण्ड आए । त्यहाँ १ घण्टामा जाँच सकेपछि हतारहतार दिउँसो २ः३० बजे पालिखेचोकस्थित प्रतिभा मावितिर हानिए ।

सबैमा एसइईकै बेला पढेका विज्ञान, गणित र अंग्रेजी विषयलाई नै आधार मानेर प्रवेश परीक्षा लिइएको थियो । उनले ढुक्कले परीक्षा दिए । अझ लामाचौरस्थित गण्डकी बोर्डिङमा समेत देखाउने इच्छा थियो रे । मदरल्याण्ड र गण्डकी बोर्डिङको समय जुधेकोले त्यता छोड्न बाध्य भएको पोखरेल परिवारले जनाएको छ ।

एसइईमा ३.९१ जिपिए ल्याएका एरिज पोखरेल एसओएस, मदरल्याण्ड र प्रतिभामा १ नम्बर

परीक्षा दिएका ३ वटै स्कुलको नतिजामा १ नम्बरमा नाम निकालेका उनले उच्च शिक्षाको पढाइ भने एसओएस रोजेका छन् । बाबु लक्ष्मण पोखरेलका अनुसार सबैमा सर्वोत्कृष्टलाई पूर्ण छात्रवृत्तिमै पढ्ने अवसर थियो तर एसओएस अन्तर्राष्ट्रिय ब्रान्ड भएकोले र घरनजिकै भएकोले पनि एसओएस रोजेको बाबु लक्ष्मण पोखरेलले खुलाए । एसओएसमा करिब १३ सय, मदरल्याण्डमा १२ सय र प्रतिभामा १६ सय जनाले कक्षा ११ को प्रवेश परीक्षा दिएकोमा एरिज नै टपर भएको सम्बन्धित विद्यालयले जनाएका छन् ।

सानैदेखि पढाइसँगै अतिरिक्त क्रियाकलापमा प्रथम पुरस्कार जित्ने एरिज भविष्यमा एरोनटिकल इन्जिनियर बन्ने लक्ष्य रहेको बताउँछन् । एसइईमा जिपिए ४.० ल्याउन नसके पनि प्रवेश परीक्षाको यो नतिजाले निकै खुसी लागेको उनले बताए ।

छोराको यो नतिजाले पोखरेल परिवार पनि निकै खुसी छ । न्यू मोडलकै सहनिर्देशक बाबु लक्ष्मण केही महिना अघिसम्म त्यहाँ प्राचार्य थिए । उनले भने, ‘छोरो नर्सरीदेखि नै कहिल्यै सेकेण्ड भएन । सधैं फस्ट भयो । पढाइमा अनुशासन र लगनशीलता नै सफलताको राज हुनुपर्छ ।’ उनले सिमलचौरको डायनामिकमा ५ कक्षासम्म पढेकोमा स्कुल मर्जसँगै ६ देखि न्यू मोडल पढेका हुन् ।

उनका अनुसार छोराले नयाँ चिज देख्नेवित्तिकै चासो दिने, नयाँ–नयाँ शब्द जान्न उत्सुक हुने गर्दछन् । एरिज उमेरले बल्ल १६ वर्ष टेके । एरिज फिजिक्स र म्याचमा उनको बढी रुची छ ।

कास्कीको निर्मलपोखरीका पोखरेल परिवार हाल पोखराको बिरौटा बस्दै आएको छ ।

पोखरेल परिवारमा दाजुभाइ नै पढाइमा तेज हुन् । भाइ अनिज हाल कक्षा ९ (न्यू मोडल) पढ्छन् । एरिज र अनिज दुवैले भाग लिएका प्रदेशस्तरीय हाजिरीजवाफ तथा म्याथ क्वीजमा धेरै पल्ट प्रथम भएर पुरस्कार जितेको प्रिन्सिपल भेषराज शर्मा पोखरेलले बताए । एरिजको हालै प्रकाशित एसइई नतिजामा नेपाली र सामाजिकमा मात्र ‘ए’ ग्रेड आएकोमा अन्यमा ‘ए’ प्लस छ ।

Related News

सम्बन्धित समाचार

  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • चिल्ड्रेन पार्कमा कांग्रेसको वृक्षरोपण

    आदर्श समाज सम्वाददाता श्रावण ७, २०८१
    पोखरा । पोखरा महानगरपालिका वडा नं. ५ प्रस्याङस्थित चिल्ड्रेन पार्क (शिवालय पार्क) मा वृक्षरोपण गरिएको छ । नेपाली कांग्रेस वडा…

hero news full width