नेकपा एसमा माधव दोहोरिए, भुषाल बने महासचिव

आदर्श समाज सम्वाददाता
असार २१, २०८१
madhav nepal

पोखरा । नेकपा (एकीकृत समाजवादी) अध्यक्षमा माधवकुमार नेपाल दोहोरिएका छन् । पार्टीको १० औं महाधिवेशनबाट उनी सर्वसम्मत अध्यक्ष बनेका हुन् ।

यस्तै, सम्मानित नेतामा झलनाथ खनाल र महासचिव घनश्याम भुसाल सर्वसम्मत चयन भए ।

जारी महाधिवेशनले २१ पदाधिकारीसहित २ सय ९९ केन्द्रीय कमिटी चयन गर्नेछ ।

यस्तै, केन्द्रीय कमिटीमा प्रत्येक जिल्लाबाट १ जना, प्रदेशअन्तर्गतका २५ सय संगठित पार्टी सदस्य बराबर १ जनाका दरले थप हुने, समावेशी क्षेत्रबाट (महिला, आदिवासी जनजाति, दलित, मधेशी, मुस्लिम, थारू, अल्पसंख्यक र अपांगता) ७० जना र पदाधिकारीसहितको खुला क्षेत्र ८० जना चयन हुने निर्वाचन कमिटीले जनाएको छ ।

भूगोल, विभिन्न कार्यक्षेत्र, समावेशी र खुला निर्वाचन क्षेत्रबाट केन्द्रीय कमिटीमा प्रत्येक क्षेत्रमा ३३ प्रतिशत महिलालाई आरक्षणको व्यवस्था छ । महिलालगायत सबै निर्वाचन क्षेत्रबाट केन्द्रीय कमिटीको निर्वाचनमा २० प्रतिशत २५–४५ वर्ष उमेर समूहलाई आरक्षण रहेको बताइएको छ ।

Related News

सम्बन्धित समाचार

hero news full width