पोखरा कास्कीलाई पूर्ण खोप सुनिश्चित जिल्ला घोषणा गरिएको छ । जिल्लाका पाँच वटै पालिकालाई यसअघि पूर्णखोप सुनिश्चित पालिका घोषणा गरिएको थियो ।
जिल्लास्तरीय खोप समन्वय समिति र स्वास्थ्य कार्यालयद्वारा पोखरामा बिहीबार आयोजित कार्यक्रममा १६ महिनादेखि ५९ महिनासम्मका सम्पूर्ण बालबालिकालाई राष्ट्रिय खोप कार्यक्रमको तालिकाअनुसार १५ महिनाभित्र पाउनुपर्ने सबै खोप लगाइसकेको सुनिश्चिततासहित पूर्णखोप जिल्ला घोषणा गरिएको जिल्ला समन्वय समिति प्रमुख एवं जिल्लास्तरीय खोप समन्वय समिति संयोजक लीलाधर पौडेलले बताए ।
जिल्लालाई पूर्णखोप सुनिश्चित जिल्ला घोषणा गर्दै गण्डकी प्रदेश सरकारका सामाजिक विकास तथा स्वास्थ्यमन्त्री बिन्दुकुमार थापाले सरकारले स्वस्थ नागरिक समृद्धिको महत्वपूर्ण आधार भएको बताए । उनले खोपले बालबालिकालाई विभिन्न रोगबाट सुरक्षित रहन महत्वपूर्ण भूमिका खेल्ने बताए । उनले गण्डकीका सबै जिल्ला पूर्णखोप सुनिश्चित जिल्ला घोषणा हुने र छिट्टै गण्डकी पूर्णखोप सुनिश्चित प्रदेश घोषणा हुने स्पष्ट पारे । बुधबार मात्रै तनहुँ र बागलुङलाई पूर्ण खोप सुनिश्चित जिल्ला घोषणा गरिएको थियो । जिल्ला समन्वय समिति प्रमुख एवं जिल्लास्तरीय खोप समन्वय समिति संयोजक पौडेलले खोप सुनिश्चिततालाई दिगोपना राख्नुपर्ने बताए ।
कास्कीले पहिलो पटक २०७५ असार २७ गते जिल्ला पूर्णखोप घोषणा गरेपश्चात जन्मने तथा अन्यत्रबाट कास्की जिल्ला भित्र आएर बसोबास गर्ने सबै बालबालिकाले पाउनु पर्ने सबै खोप पाएको सुनिश्चत गर्ने गरिएको पौडेलले बताए ।
स्वास्थ्य कार्यालय कास्की प्रमुख रामबहादुर नेपालीले खोप लगाउन छुटेका सबै बालबालिकाको तथ्यांक संकलन गरी खोप लगाइएको बताए ।
कास्कीका पाँचवटै पालिकाका कुल ७२ वटा वडाका कुल ३ हजार ७४ बालबालिकाले पूर्णरुपमा खोप पाएको सुनिश्चित भएपछि पूर्णखोप सुनिश्चित पालिका घोषणा गरिएको स्वास्थ्य कार्यालयका अधिकृत बद्री आचार्य बताउँछन् ।
उनका अनुसार घरधुरी सर्वेक्षणका क्रममा भेटिएका खोप पूरा नगरेका १ सय ४० जना बालबालिकालाई खोप लगाउने व्यवस्थासमेत मिलाइएको थियो । १५ महिनासम्मका ७ हजार २ सय २७ जना बालबालिकालाई पनि खोप लगाइएको उनले बताए । १६ महिनादेखि ५ वर्षसम्मका २२ हजार ८ सय ४७ जना बालबालिकालाई सबै खोपको पहुँचमा ल्याइएको छ । उनका अनुसार जिल्लाका पाँचवटै स्थानीय तहमा रहेका स्वास्थ्य संस्था तथा बाह्य २ सय ३० खोप केन्द्रमार्फत नियमित खोप सेवा प्रदान हुँदै आएको छ ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१