रवि लामिछानेको पार्टी रास्वपाका मन्त्री राजीनामा दिँदै

आदर्श समाज सम्वाददाता
असार २०, २०८१
ravi lamichhane rawapa

पोखरा । राष्ट्रिय स्वतन्त्र पार्टी (रास्वपा)बाट सरकारमा सहभागी मन्त्री फिर्ता आउने भएका छन् ।

प्रधानमन्त्री पुष्पकमल दाहाल ‘प्रचण्ड’लाई बिहीबार भेटेर मन्त्री पदबाट राजीनामा दिने भएका हुन् ।

रास्वपाको मंगलबार बसेको पदाधिकारी बैठकले राजीनामा दिने र नयाँ सरकारमा समेत सहभागी नहुने निर्णय गरेको हो ।

सरकारमा रास्वपाका चार मन्त्रीहरु सभापति रवि लामिछाने उपप्रधानमन्त्री तथा गृहमन्त्री, उपसभापति डोलप्रसाद अर्याल श्रम तथा रोजगार मन्त्री, सुमना श्रेष्ठ शिक्षा मन्त्री र विराजभक्त श्रेष्ठ युवा तथा खेलकुद मन्त्री छन् ।

प्रचण्ड सरकारलाई मंगलबार नै एमालेले समर्थन फिर्ता लिँदै उसका ८ जना मन्त्रीले राजीनामा बुझाइसकेका छन् ।

सोमबार मध्यरातमा एमाले–कांग्रेसबीच प्रचण्ड नेतृत्वको सरकार हटाएर एमाले अध्यक्ष केपी शर्मा ओली नेतृत्वमा राष्ट्रिय सहमतिको सरकार गठन गर्ने सहमति गरेको थियो ।

उता, प्रधानमन्त्री प्रचण्ड भने तत्काल राजीनामा नदिने मुडमा छन् । उनले संसद फेस गर्ने जनाउ दिइसकेका छन् । हठात् यस्तो निर्णय भएको भन्दै उनले ३० दिनभित्र संसदमा विश्वासको मत लिने बताएका छन् ।

Related News

सम्बन्धित समाचार

hero news full width